మెగాస్టార్ చిరంజీవి సినిమాలో డైలాగ్ కింగ్ మోహన్ బాబు విలన్గా నటించబోతున్నారా? అంటే అవుననే అంటున్నాయి టాలీవుడ్ వర్గాలు. ప్రస్తుతం కొరటాల శివ దర్శకత్వంలో చిరంజీవి సినిమా చేస్తోన్న విషయం తెలిసిందే. ఇది చిరుకి 152వ సినిమా. కొరటాల శివ ఎంతో ప్రతిష్టాత్మకంగా భావించి తెరకెక్కిస్తోన్న సినిమా ఇది. తన గత చిత్రాల మాదిరిగానే సోషల్ మెసేజ్తో కూడిన కమర్షియల్ సినిమాగా దీన్ని తీర్చిదిద్దుతున్నారు. ఇదిలా ఉంటే, ఈ సినిమాలో విలన్ పాత్ర కోసం మోహన్ బాబును కొరటాల శివ సంప్రదించారని ఇండస్ట్రీ వర్గాల ద్వారా తెలిసింది. మోహన్ బాబుకు కొరటాల స్క్రిప్ట్ను నెరేట్ చేశారట. అయితే, మోహన్ బాబు ఇంకా తన నిర్ణయాన్ని చెప్పలేదని సమాచారం. ఒకవేళ మోహన్ బాబు గ్రీన్ సిగ్నల్ ఇస్తే గనుక విలన్ పాత్ర ఈ సినిమాకు మరో ప్రత్యేక ఆకర్షణ అవుతుంది. చిరంజీవి ఎన్నో సినిమాల్లో మోహన్ బాబు విలన్గా నటించారు. కామెడీతో కూడిన విలనిజంతో ఆకట్టుకున్నారు. చిరంజీవి, మోహన్ బాబు కలిసి నటించిన ఆఖరి చిత్రం ‘కొదమసింహం’. Also Read: కాగా, ఈ సినిమాలో చిరంజీవి దేవాదాయ శాఖ ఉద్యోగిగా కనిపించనున్నారట. ఈ చిత్రానికి మణిశర్మ సంగీతం సమకూరుస్తున్నారు. కొరటాల శివ సినిమాకు మణిశర్మ పనిచేస్తుండటం ఇదే తొలిసారి. చిరంజీవి సరసన త్రిష హీరోయిన్గా నటిస్తున్నారు. రెజీనా కాసండ్రా ఐటెమ్ సాంగ్లో కనిపించనుంది. ఈ సినిమాలో రామ్ చరణ్ ఒక చిన్న పాత్రలో మెరవనున్నారని సమాచారం. ఇదిలా ఉంటే, ఈ సినిమాకు ‘గోవింద హరి గోవింద’, ‘గోవిందాచార్య’ టైటిల్స్ను పరిశీలిస్తున్నట్టు ఇండస్ట్రీ వర్గాల ద్వారా తెలిసింది.
from Telugu Movie News | Movie News in Telugu | Movie Gossips in Telugu https://ift.tt/2SbUYlb
v
No comments:
Post a Comment