అల్లు అర్జున్ పేరు చెప్పగానే మనకు ముందుగా గుర్తొచ్చేది ఆయన డ్యాన్స్. తెలుగు ఇండస్ట్రీలోని అదిరిపోయే డ్యాన్స్లు చేసే హీరోల్లో ఆయన ఒకరు. వెస్టరన్ డ్యాన్స్ను అంతే స్టైలిష్గా చేయాలంటే బన్నీ తరవాతే. అయితే, ఇప్పటి వరకు మంచి ఫాస్ట్ బీట్, వెస్టరన్ టైప్, మాస్ సాంగ్స్లో బన్నీ డ్యాన్స్ ఇరగదీయడం మనం చూశాం. అయితే, ఒక రొమాంటిక్ క్లాస్ సాంగ్లోనూ ఆకట్టుకునే స్టె్ప్పులతో తన మార్క్ చూపించారు బన్నీ. అదే ‘బుట్టబొమ్మ’ సాంగ్. ‘అల వైకుంఠపురములో’ సినిమాలోని ‘బుట్టబొమ్మ’ సాంగ్ ఇప్పటికే ప్రేక్షకులను ఆకట్టుకుంది. అయితే, చిత్ర ప్రమోషన్లో భాగంగా ‘బుట్టబొమ్మ’ వీడియో సాంగ్ ప్రోమోను తాజాగా విడుదల చేశారు. ఈ ప్రోమోలో బన్నీ డ్యాన్స్ స్పెషల్ ఎట్రాక్షన్గా నిలిచింది. తమన్ ఇచ్చిన స్మూత్ ట్యూన్కి బన్నీ సింపుల్ స్టెప్లు అందాన్ని తీసుకొచ్చాయి. బన్నీ, పూజా జంట కూడా చూడముచ్చటగా ఉంది. ఈ ప్రోమో చూస్తుంటే మొత్తం పాట ఎప్పుడు చూస్తామా అనే ఆత్రుత కలుగుతోంది. ఈ పాటను రామజోగయ్య శాస్త్రి రచించగా అర్మాన్ మాలిక్ ఆలపించారు. See Photo Story: ఇదిలా ఉంటే, మాటల మాంత్రికుడు త్రివిక్రమ్ దర్శకత్వంలో తెరకెక్కిన ఈ చిత్రం సంక్రాంతి కానుకగా ఈనెల 12న ప్రేక్షకుల ముందుకు వస్తోంది. ఇప్పటికే ఈ సినిమాపై భారీ అంచనాలున్నాయి. ఆ అంచనాలను మరింత పెంచేలా ప్రమోషన్స్ను ప్లాన్ చేస్తోంది చిత్ర యూనిట్. శ్రీమతి మమత సమర్పణలో గీతా ఆర్ట్స్, హారిక అండ్ హాసిని క్రియేషన్స్ బ్యానర్లపై అల్లు అరవింద్, కె.రాధాకృష్ణ (చినబాబు) ఈ చిత్రాన్ని నిర్మించారు. టబు, నివేతా పేతురాజ్, రాజేంద్ర ప్రసాద్, జయరాం, సుశాంత్, వెన్నెల కిషోర్, సునీల్, నవదీప్, బ్రహ్మాజీ, మురళీ శర్మ, రాహుల్ రామకృష్ణ, హర్షవర్ధన్, సచిన్ ఖేడేకర్ ముఖ్యపాత్రలు పోషించారు.
from Telugu Movie News | Movie News in Telugu | Movie Gossips in Telugu https://ift.tt/2sOrNMu
v
No comments:
Post a Comment