‘అల వైకుంఠపురములో’ ఫస్ట్ రివ్యూ: బన్నీ చించేశాడట!

స్టైలిష్ స్టార్ అల్లు అర్జున్ హీరోగా, మాటల మాంత్రికుడు త్రివిక్రమ్ దర్శకత్వంలో వస్తోన్న క్రేజీ మూవీ ‘అల వైకుంఠపురములో’. పూజా హెగ్డే హీరోయిన్‌గా నటించిన ఈ ఫ్యామిలీ, యాక్షన్ ఎంటర్‌టైనర్‌ను శ్రీమతి మమత సమర్పణలో గీతా ఆర్ట్స్, హారిక అండ్ హాసిని క్రియేషన్స్ బ్యానర్లపై అల్లు అరవింద్, కె. రాధాకృష్ణ (చినబాబు) నిర్మించారు. తమన్ సంగీతం సమకూర్చారు. సంక్రాంతి కానుకగా వస్తోన్న ఈ సినిమా భారీ అంచనాల నడుమ ఈనెల 12న విడుదలవుతోంది. ఇదిలా ఉంటే, ‘అల వైకుంఠపురములో’ తాజాగా సెన్సార్ కార్యక్రమాలను పూర్తిచేసుకుంది. సెన్సార్ బోర్డు ఈ సినిమాకు యు/ఎ సర్టిఫికెట్ ఇచ్చింది. సినిమా రన్ టైమ్ 165 నిమిషాలు. అయితే, సినిమాకు సంబంధించి అప్పుడే ట్విట్టర్‌లో రివ్యూలు చక్కర్లు కొడుతున్నాయి. కొంత మంది సినిమా సెన్సార్ టాక్‌ను చాలా వివరంగా ట్వీట్లు చేశారు. ఫస్టాఫ్‌లో త్రివిక్రమ్ మార్క్ ఎలివేషన్ సీన్స్, అల్లు అర్జున్ స్క్రీన్ ప్రెజెన్స్, డ్యాన్స్, ఇంటర్వెల్ బ్లాక్‌లో తమన్ బ్యాక్‌గ్రౌండ్ స్కోర్ హైలైట్ అని ‘సౌత్ సినిమా అఫీషియల్’ అనే ట్విట్టర్ యూజర్ పేర్కొన్నారు. Also Read: ఇక సెకండాఫ్‌లో అల్లు అర్జున్ మాస్ సీన్స్, సాంగ్స్ విజువలైజేషన్, డైలాగులు, ఎమోషనల్ సీన్స్ కట్టిపడేస్తాయని ట్వీట్ చేశారు. అలాగే మెగా ఫ్యాన్స్ అనే ట్విట్టర్ యూజర్ కూడా ‘అల వైకుంఠపురములో’ సినిమా గురించి కంప్లీట్ టాక్ చెప్పేశారు. విలన్ సముద్రఖనితో అల్లు అర్జున్ సన్నివేశాలు సూపర్ ఉన్నాయట. అలాగే, సంక్రాంతి వాతావరణంలో వచ్చే ఫైట్ సీన్‌లో అల్లు అర్జున్ మ్యానరిజం చాలా బాగుందట. క్లైమాక్స్ కూడా చాలా బాగుందని పేర్కొన్నారు. అలాగే.. జయరాం, మురళీశర్మ ఫ్లాష్ బ్యాక్ సీన్స్ కూడా చాలా బాగున్నాయట. సినిమాలో బన్నీ ఎంట్రీ సింపుల్‌గా ఉన్నా మాసీగా ఉందట. నవదీప్, రాహుల్ రామకృష్ణ కామెడీ సీన్లు కూడా సినిమాకు ప్లస్ అయ్యాయని అంటున్నారు. ఫస్టాఫ్‌లో స్టేడియం ఫైట్ సీన్ చాలా బాగుందని ట్వీట్‌లో పేర్కొన్నారు. మొత్తంగా చూసుకుంటే ఈ ఫస్ట్ రివ్యూల్లో అన్నీ పాజిటివ్ పాయింట్సే ఉన్నాయి. నెగిటివ్ పాయింట్స్ గురించి ఎవరూ మాట్లాడలేదు. ఏదేమైనా ‘అల వైకుంఠపురములో’ పాజిటివ్ వైబ్స్‌తో థియేటర్లలోకి వస్తోంది.

from Telugu Movie News | Movie News in Telugu | Movie Gossips in Telugu https://ift.tt/2utTjPT
v