లవ్స్టోరీ అనగానే అమ్మాయి, అబ్బాయే గుర్తుకొస్తారు. కానీ ఇద్దరు అమ్మాయిల మధ్య, ఇద్దరు అబ్బాయిల మధ్య పుట్టే ప్రేమను మాత్రం సమాజం అంగీకరించదు. అదేదో ప్రకృతికి విరుద్ధం అన్నట్లుగా చూస్తారు. కానీ సుప్రీంకోర్టు ఈ విషయంలో సానుకూలంగా తీర్పునివ్వడంతో ఇప్పుడిప్పుడే సమాజం స్వలింగ సంపర్కుల ప్రేమ కూడా సాధారణమైనదేనని అర్థం చేసుకుంటోంది. ఇప్పుడు ఈ అంశంపై తెరకెక్కిన ఓ సినిమా రాబోతోంది. ఆ సినిమా పేరు ‘శుభ్ మంగళ్ జ్యాదా సావధాన్’. హితేష్ కేవల్య డైరెక్ట్ చేశారు. ఈ సినిమాలో ప్రధాన పాత్రలో నటించారు. ఈ సినిమా ట్రైలర్ను తాజాగా విడుదల చేశారు. ఇంతకీ ఈ సినిమా కథేంటంటే.. ఆయుష్మాన్ ఖురానా (కార్తిక్) ఓ స్వలింగ సంపర్కుడు. ఇతను జితేంద్ర కుమార్ (అమన్)ను చూసి ప్రేమలో పడతాడు. ఇది చాలా తప్పు అని ఇరు వైపుల కుటుంబాలు ఎంత చెప్పినా వీరు మాత్రం వినరు. చివరికి ఏమైంది అనేది తెరపై చూడాలి. ట్రైలర్లో ఆయుష్మాన్ ఖురానా, జితేంద్ర కుమార్ లిప్ లాక్ చేసుకున్న సన్నివేశం హైలైట్గా నిలిచింది. 2017లో వచ్చిన ‘శుభ్ మంగళ్ సావధాన్’ సినిమాకు ఈ సినిమా సీక్వెల్గా రాబోతోంది. కలర్ యెల్లో ప్రొడక్షన్స్, టీ సిరీస్ బ్యానర్లపై ఆనంద్ ఎల్ రాయ్, భూషణ్ కుమార్ సంయుక్తంగా నిర్మిస్తున్నారు. ఫిబ్రవరి 21న సినిమా ప్రేక్షుకల ముందుకు రాబోతోంది. READ ALSO: సమాజంలోని సమస్యలను కళ్లకు కట్టినట్లు చూపించే నటుల్లో ఆయుష్మాన్ ఖురానా ఒకరు. ఇప్పటివరకు ఆయన నటించిన సినిమాలు దాదాపుగా సమాజంలో ప్రజలు ఎదుర్కొనేవే. బట్టతల నేపథ్యంలో తెరకెక్కించిన ‘బాలా’ సినిమాలో, అంగస్తంభన సమస్యలతో తెరకెక్కించిన ‘శుభ్ మంగళ్ సావధాన్’ సినిమాలో కూడా ఆయనే నటించారు. ఆ సినిమాలన్నీ బాక్సాఫీస్ వద్ద బ్లాక్ బస్టర్ విజయాలు అందుకున్నవే.
from Telugu Movie News | Movie News in Telugu | Movie Gossips in Telugu https://ift.tt/2TENcCH
v
No comments:
Post a Comment