దేవరకొండను పిండేస్తున్న పూరి.. థాయిలాండ్‌లో మార్షల్ ఆర్ట్స్ శిక్షణ

టాలీవుడ్ సెన్సేషనల్ స్టార్ విజయ్ దేవరకొండ త్వరలో పూరి జగన్నాథ్ డైరెక్షన్‌లో నటించేందుకు సిద్ధమవుతున్నారు. ‘ఇస్మార్ట్ శంకర్’ వంటి బ్లాక్‌బస్టర్‌తో పూరి జగన్నాథ్ మంచి ఫాంలో ఉన్న విషయం తెలిసిందే. ఇప్పుడు విజయ్ హీరోగా ‘ఫైటర్’ అనే సినిమాను తెరకెక్కించనున్నారు. ఈ సినిమాని ఛార్మీ కౌర్, బాలీవుడ్ టాప్ ప్రొడ్యూసర్ కరణ్ జోహార్‌తో కలిసి పూరి జగన్నాథ్ స్వయంగా నిర్మిస్తున్నారు. టైటిల్‌‌లో చెప్పినట్టుగానే ఈ సినిమాలో విజయ్ దేవరకొండ ఫైటర్‌గా కనిపించనున్నారు. ఈ పాత్రలో పర్ఫెక్షన్‌ కోసం విజయ్‌కు మిక్స్డ్ మార్షల్ ఆర్ట్స్ నేర్పిస్తున్నారు. విజయ్‌కు మిక్స్డ్ మార్షల్ ఆర్ట్స్, ఇతర పోరాట కళల్లో శిక్షణ ఇవ్వడం కోసం నిర్మాతలు 15 మంది ట్రైనర్స్‌ను నియమించడం విశేషం. Also Read: ‘ఫైటర్’లో ఫుల్ యాక్షన్ రోల్ చేస్తున్న విజయ్ ప్రస్తుతం ఆ ట్రైనర్స్ దగ్గర కఠిన శిక్షణ తీసుకోవడంతో పాటు కఠిన ఆహార నియమాల్ని పాటిస్తున్నారు. ఈ నెలాఖరులో ముంబైలో ‘ఫైటర్’ చిత్రీకరణ మొదలవుతుంది. కాగా.. క్రాంతిమాధవ్ డైరెక్షన్‌లో విజయ్ నటిస్తోన్న ఇంటెన్స్ లవ్ స్టోరీ ‘వరల్డ్ ఫేమస్ లవర్’ ఫిబ్రవరి 14న విడుదలకు సిద్ధమవుతోంది.

from Telugu Movie News | Movie News in Telugu | Movie Gossips in Telugu https://ift.tt/3a2k0LH
v