‘జాను’ టీజర్: త్రిషను మైమరిపించిన సమంత

శ‌ర్వానంద్‌, స‌మంత హీరో హీరోయిన్లుగా న‌టిస్తోన్న చిత్రం ‘జాను’. త‌మిళంలో విజ‌య‌వంత‌మైన ‘96’ సినిమాకు ఇది రీమేక్‌. శ్రీ వెకంటేశ్వర క్రియేష‌న్స్ బ్యాన‌ర్‌పై దిల్ రాజు, శిరీష్ ఈ చిత్రాన్ని నిర్మిస్తున్నారు. తమిళంలో ‘96’ను డైరెక్ట్ చేసిన సి. ప్రేమ్ కుమార్ తెలుగులోనూ దర్శకత్వం వహించారు. ఇటీవల ఈ చిత్ర ఫస్ట్‌లుక్‌ను విడుదల చేశారు. తాజాగా టీజర్‌ను ప్రేక్షకుల ముందుకు తీసుకొచ్చారు. విభిన్నమైన ఫీల్ గుడ్ లవ్‌స్టోరీగా తెరకెక్కుతోన్న ఈ సినిమా టీజర్ ఆకట్టుకుంటోంది. ‘96’లో విజయ్ సేతుపతి, త్రిష హీరోహీరోయిన్లుగా నటించారు. ఆ సినిమాలో వీరిద్దరి నటనకు ప్రశంసలు అందాయి. ముఖ్యంగా త్రిష నటన అద్భుతంగా ఉందంటూ కొనియాడారు. అయితే, త్రిషను మైమరిపించేలా ‘జాను’లో సమంత నటించినట్టు టీజర్ చూస్తే అర్థమవుతోంది. ‘96’ టీజర్‌కు ‘జాను’ టీజర్ కాస్త దగ్గరగా ఉన్నా శర్వానంద్, సమంత ఒక కొత్త ఫీల్‌ను తీసుకురాగలిగారు. సమంత క్యూట్‌గా చాలా అందంగా ఉన్నారు. Also Read: విజయ్ సేతుపతి-త్రిష జంట కన్నా శర్వా-సామ్ జంట చాలా అందంగా కనిపిస్తోంది. సినిమాలో చాలా లోతైన భావోద్వేగాలు ఉన్నట్టు సమంత ఏడ్చే సీన్ చూస్తే అర్థమవుతోంది. అంతేకాదు, డైలాగులు కూడా చాలా బాగున్నాయి. ‘‘చాలా దూరం వెళ్లిపోయా రామ్?’’ అని సమంత అంటే.. ‘‘నిన్ను ఎక్కడ వదిలేశానో అక్కడే ఉన్నాను’’ అని శర్వానంద్ చెప్పే డైలాగ్ ఆకట్టుకుంటుంది. ‘96’కు సంగీతం అందించిన గోవింద్ వసంత ఈ సినిమాకూ మ్యూజిక్ ఇస్తున్నారు. టీజర్‌లో ఆయన అందించిన నేపథ్య సంగీతం చాలా ఆహ్లాదకరంగా ఉంది. మొత్తంగా చూసుకుంటే టీజర్ ఆకట్టుకునేలా ఉంది. కాగా, ఇప్పటికే ఈ చిత్ర షూటింగ్ పూర్తయింది. ప్రస్తుతం పోస్ట్ ప్రొడక్షన్ పనులు జరుగుతున్నాయి. పాటలను త్వరలోనే విడుదల చేయనున్నారు. మహేంద్రన్ జయరాజ్ సినిమాటోగ్రఫీ అందించిన ఈ సినిమాకు మిర్చి కిరణ్ మాటలు రాశారు. సిరివెన్నెల సీతారామ‌శాస్త్రి, శ్రీమ‌ణి పాటలకు సాహిత్యం అందించారు.

from Telugu Movie News | Movie News in Telugu | Movie Gossips in Telugu https://ift.tt/39VnSxN
v