జనసేన అధినేత, పవర్ స్టార్ పవన్ కళ్యాణ్ సినిమాల్లో మళ్లీ రీఎంట్రీ ఇస్తున్నట్టు చాలా రోజులుగా ప్రచారం జరుగుతోంది. బాలీవుడ్లో సూపర్ హిట్ అయిన ‘పింక్’ మూవీని తెలుగులో రీమేక్ చేస్తున్న విషయం తెలిసిందే. హిందీలో అమితాబ్ బచ్చన్ పోషించిన లాయర్ పాత్రను తెలుగులో పవన్ కళ్యాణ్ చేయబోతున్నారని చాలా రోజులుగా అంటున్నారు. ఈ సినిమాను తమిళంలో రీమేక్ చేసిన బాలీవుడ్ నిర్మాత, శ్రీదేవి భర్త బోనీ కపూర్ తెలుగులో దిల్ రాజుతో కలిసి రీమేక్ చేస్తున్నారు. తెలుగు ‘పింక్’ రీమేక్లో పవన్ కళ్యాణ్ నటిస్తున్నట్టు ఇప్పటికే దిల్ రాజు కూడా ప్రకటించారు. కానీ, పవన్ కళ్యాణ్ వైపు నుంచి ఇప్పటి వరకు ఎలాంటి అప్డేట్ లేదు. నిజంగా ఈ సినిమాలో పవన్ కళ్యాణ్ నటిస్తున్నారా అనే అనుమానం చాలా మందిలో ఉంది. మెగా ఫ్యాన్స్లో కూడా ఇదే గందరగోళం. ఇంకో విషయం ఏంటంటే.. ఈ సినిమాకు ‘లాయర్ సాబ్’ అనే టైటిల్ను ఖరారు చేసినట్టు కూడా వార్తలు వచ్చాయి. ఇప్పుడు ఈ వార్తలన్నీ నిజమే అంటూ ‘లాయర్ సాబ్’ పోస్టర్ ఒకటి బయటికి వచ్చింది. ప్రస్తుతం ఈ పోస్టర్ సోషల్ మీడియాలో వైరల్ అవుతోంది. ఈ పోస్టర్ అధికారికంగా విడుదల చేసింది కాదు. ఫ్యాన్ మేడ్ పోస్టర్లా అనిపిస్తోంది. ఇలాంటి పోస్టర్పై వివాదాస్పద సినీ విమర్శకుడు కత్తి మహేష్ స్పందించడం విశేషం. పవన్ కళ్యాణ్ను ఎప్పుడూ ఆడిపోసుకునే కత్తి.. ఈ పోస్టర్ను అడ్డుపెట్టుకుని కూడా వివాదాస్పద వ్యాఖ్యలు చేశారు. ‘‘పవన్ కళ్యాణ్ అనే నేత స్త్రీల హక్కుల కోసం వాదించే ‘లాయర్ సాబ్’గా నటించడం ఏదైతే ఉందో...’’ అంటూ వెటకారంగా ఫేస్బుక్లో పోస్ట్ పెట్టారు.
from Telugu Movie News | Movie News in Telugu | Movie Gossips in Telugu https://ift.tt/2TFW7ne
v
No comments:
Post a Comment