సినిమాల్లో అవకాశాల పేరిట మోసం.. వ్యభిచారం చేయిస్తోన్న డైరెక్టర్ అరెస్ట్

సినిమాల్లో నటించాలనే పిచ్చి చాలా మందిలో ఉంటుంది. కానీ, అది అంత సులభం కాదు కదా. సినిమాల్లో అవకాశాల కోసం తిరిగే అబ్బాయిల సంగతి అటుంచితే అమ్మాయిల పరిస్థితి మాత్రం దారుణంగా ఉంటుంది. సినిమాల్లో నటిస్తామని ఇంటి నుంచి బయలుదేరి సిటీకి వచ్చిన వాళ్లు.. అవకాశాలు లేకపోతే మళ్లీ తిరిగి ఇంటికి వెళ్లలేరు. అలాంటి అమ్మాయిలను బుట్టలో వేసుకుని క్యాష్ చేసుకోవాలని చూసేవాళ్లు ఇండస్ట్రీలో చాలా మందే ఉంటారు. ఈయన కూడా అదే కోవకు చెందినవాడు. బాలీవుడ్‌లో క్యాస్టింగ్ డైరెక్టర్. అంటే, ఒక సినిమా కోసం నటీనటులను ఎంపిక చేసే పని. ఇంకేముంది.. ఇండస్ట్రీలో అవకాశాల కోసం ప్రయత్నిస్తోన్న అమ్మాయిలకు వల వేయడం, వాళ్లను వ్యభిచార రొంపిలోకి దింపడం. ఇలా ఒకటి రెండు కాదు ఐదేళ్ల నుంచి ఈ యవ్వారం నడుపుతున్నాడు డైరెక్టరు. ఇతగాడి చేష్టలతో విసిగిపోయిన ఎవరో పోలీసులకు సమాచారం అందించారు. పక్కా ప్లాన్‌తో ముంబై పోలీసులు అతన్ని అరెస్ట్ చేశారు. అతడి వ్యభిచార సామ్రాజ్యాన్ని కూల్చేశారు. Also Read: ముంబై నగరంలో వ్యభిచారం నిర్వహిస్తున్నాడనే ఆరోపణలతో నవీన్ కుమార్ ప్రేమ్‌లాల్ ఆర్య (32) అనే బాలీవుడ్ క్యాస్టింగ్ డైరెక్టర్‌ను నగర సోషల్ సర్వీస్ బ్రాంచ్ (ఎస్ఎస్‌బీ) పోలీసులు అరెస్ట్ చేశారు. 18, 25 ఏళ్ల వయసులు కలిగిన ఇద్దరు మహిళా జూనియర్ ఆర్టిస్టులను రక్షించారు. పోలీసులు వెల్లడించిన వివరాలు ఇలా ఉన్నాయి. తన స్నేహితులు అజయ్ శర్మ, విజయ్‌లతో కలిసి గత ఐదేళ్లుగా నవీన్ కుమార్ ముంబైలో ప్రాస్టిట్యూషన్ రాకెట్‌ను నడుపుతున్నాడు. ఇండస్ట్రీకి అవకాశాల కోసం వచ్చే అమ్మాయిలకు నవీన్ వల వేసి సెక్స్ రాకెట్‌లోకి దింపుతున్నాడని పోలీసులకు సమాచారం అందింది. దీంతో నవీన్‌ను అరెస్ట్ చేయడానికి ప్లాన్ వేశారు. కస్టమర్‌లా నవీన్‌కు ఫోన్ చేశారు. ఇద్దరు అమ్మాయిలు కావాలని అడిగారు. దీనికి ఓకే చెప్పిన నవీన్.. ఇండస్ట్రీలో మోడల్‌గా, ఆర్టిస్ట్‌గా పనిచేస్తోన్న ఇద్దరు అమ్మాయిలను పంపుతానని మాటిచ్చాడు. Also Read: అయితే, ఒక్కో అమ్మాయికి రూ.60 వేలు అవుతుందని, హోటల్ రూం కూడా మీరే బుక్ చేసుకోవాలని నవీన్ సూచించాడు. దీనికి కస్టమర్ ఓకే చెప్పారు. అంధేరిలోని వెర్సోవాలో ఉన్న సెవెన్ బంగ్లాస్ వద్దకు రావాలని కస్టమర్‌కు నవీన్ సూచించాడు. అక్కడి ఒక కేఫ్‌లో పోలీసులు మాటు వేశారు. అమ్మాయిలతో పాటు వచ్చిన నవీన్‌ను అరెస్టు చేశారు. ఇద్దరు అమ్మాయిల వద్ద స్టేట్‌మెంట్ తీసుకొని వాళ్లను సురక్షిత ప్రదేశానికి పంపారు. ఈ ఇద్దరు అమ్మాయిలు ఢిల్లీకి చెందినవారని, గతకొద్ది సంవత్సరాలుగా ఈ సెక్స్ రాకెట్‌లో చిక్కుకున్నారని పోలీసులు వెల్లడించారు.

from Telugu Movie News | Movie News in Telugu | Movie Gossips in Telugu https://ift.tt/30oegYc
v