స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్లో తెరకెక్కిన ‘అల వైంకుంఠపురములో’ సినిమా మరికొన్ని గంటల్లో వెండితెరపై దర్శనం ఇవ్వనుంది. ఈ సినిమా కోసం ఇటు అల్లు అర్జున్, మెగా అభిమానులతో పాటు సినీ ప్రేమికులు ఆసక్తిగా ఎదురుచూస్తున్నారు. ‘సరిలేరు నీకెవ్వరు’ సినిమా హిట్ టాక్ తెచ్చుకోవడంతో ఇక ‘అల వైకుంఠపురములో’ ఎలా ఉంటుందో చూడాలని ఓ వర్గం ప్రేక్షకులు ఆలోచిస్తున్నారు. ఇలాంటి అంచనాల నడుమ రేపు (జనవరి 12) థియేటర్లలోకి వస్తోంది ఈ చిత్రం. గత కొద్ది ఏళ్లుగా అల్లు అర్జున్ సినిమాలు కేరళలో విడుదలవుతోన్న విషయం తెలిసిందే. బన్నీ ప్రతి సినిమానూ మలయాళంలోకి అనువాదం చేసి విడుదల చేస్తున్నారు. ‘అల వైకుంఠపురములో’ సినిమాను కూడా ‘అంగు వైకుంఠపురత్తు’ టైటిల్తో అక్కడ రిలీజ్ చేస్తున్నారు. అయితే, ఈ సినిమా అక్కడ కొత్త రికార్డును నెలకొల్పుతోంది. కేరళలో ఈ సినిమాకు ఉన్న క్రేజ్ను దృష్టిలో పెట్టుకుని రేపు ఫ్యాన్స్ కోసం 30 బెనిఫిట్ షోలను ప్రదర్శిస్తున్నారు. కేరళలో ఒక డబ్బింగ్ సినిమాకు ఇన్ని బెనిఫిట్ షోలు వేయడం ఇదే తొలిసారి. అంటే, కేరళలోనూ ‘అల వైకుంఠపురములో’ సినిమాకు ఓపెనింగ్స్ అదిరిపోతాయన్న మాట. Also Read: కాగా, ‘అల వైకుంఠపురములో’ సినిమాకు ఆల్బమ్ పెద్ద ప్లస్ కానుంది. ఇప్పటికే ఈ సినిమాలోని పాటలన్నీ ప్రేక్షకులను విపరీతంగా అలరించాయి. ముఖ్యంగా ‘సామజవరగమన’, ‘రాములో రాములా’, ‘బుట్టబొమ్మ’ సాంగ్స్ జనంలోకి బాగా వెళ్లిపోయాయి. దీనికి తోడు తమన్ నేపథ్య సంగీతం కూడా అదిరిపోతుందని అంటున్నారు. త్రివిక్రమ్ మార్క్ డైలాగులు, తమన్ సంగీతం, పి.ఎస్.వినోద్ సినిమాటోగ్రఫీ, తారాగణం సినిమాకు ప్రధానంగా కలిసొచ్చే అంశాలు.
from Telugu Movie News | Movie News in Telugu | Movie Gossips in Telugu https://ift.tt/2FGfRit
v
No comments:
Post a Comment