దీపికా పదుకోన్ స్టింగ్ ఆపరేషన్.. నిర్ఘాంతపోయే నిజాలు

దేశంలో విచ్చలవిడిగా యాసిడ్ విక్రయించడం నిషేధం. కొనుగోలుదారుల పూర్తి వివరాలను (గుర్తింపు కార్డు చూడాలి, పూర్తి చిరునామా తీసుకోవాలి) నమోదు చేసుకోవాలి. యాసిడ్ కొన్న వ్యక్తి సమాచారాన్ని పోలీసులకు తెలియజేయాలి. ఇలా చేయకుండా ఇష్టం వచ్చినట్లు యాసిడ్ విక్రయించే దుకాణదారులకు రూ.50,000 జరిమానా విధిస్తారు. యాసిడ్ విక్రయంలో ప్రభుత్వం ఇన్ని నియమ నిబంధనలు పెట్టినా చాలా మంది దుకాణదారులు వాటిని పాటించడంలేదు. ఈ విషయాన్ని ఆధారాలతో సహా నిరూపించారు ప్రముఖ బాలీవుడ్ నటి దీపికా పదుకోన్. ముంబైలోని లోకల్ మార్కెట్‌లలో యాసిడ్ అమ్మకాలపై దీపికా పడుకోన్ స్టింగ్ ఆపరేషన్ చేశారు. తన టీమ్‌తో కలిసి సోషల్ ఎక్స్‌పర్మెంట్ చేశారు. దీపికా కారులో కూర్చొని తన టీంలో కొంత మందికి రహస్యంగా మైక్, కెమెరాలు తగిలించి దుకాణాల దగ్గరకు పంపారు. దుకాణదారులతో వారి సంభాషణను లైవ్‌లో వీక్షించారు. దుకాణదారులు యాసిడ్‌ను చాలా సులభంగా విక్రయించడం చూసి నిర్ఘాంతపోయారు. దీపిక చేసిన స్టింగ్ ఆపరేషన్ వీడియోను యూట్యూబ్‌లో అప్‌లోడ్ చేశారు. Also Read: దీపిక ప్రధాన పాత్ర పోషించిన సినిమా ‘ఛపాక్‌’. యాసిడ్‌ దాడి బాధితురాలు లక్ష్మీ అగర్వాల్‌ జీవితం ఆధారంగా తీసిన సినిమా ఇది. జనవరి 10న విడుదలైన ఈ చిత్రం సూపర్ హిట్ టాక్‌ అందుకుంది. బాక్సాఫీసు వద్ద మంచి కలెక్షన్లు రాబడుతోంది. ఈ సినిమా నేపథ్యంలో యాసిడ్‌ దాడి బాధితుల పట్ల సమాజం ప్రవర్తిస్తున్న తీరును తెలుపుతూ ఇప్పటికే దీపిక ఒక వీడియోను విడుదల చేశారు. ‘ఛపాక్‌’ సినిమా షూటింగ్‌ సమయంలో మాలతి వేషంలో దీపిక పలు షాపులకు వెళ్లారు. ఆమెకు జరిగిన అనుభవాలను వీడియో ద్వారా వివరించారు. ఇప్పుడు ఈ స్టింగ్ ఆపరేషన్ వీడియోను ప్రజల ముందుకు తీసుకొచ్చారు. ఈ వీడియోలో దీపికా పదుకోన్ మాట్లాడుతూ.. ‘‘యాసిడ్‌ అమ్మకాలపై సుప్రీం కోర్టు కఠిన నిబంధనలు తీసుకొచ్చింది. అయినా మేం ఒక్కరోజులోనే 24 యాసిడ్‌ బాటిళ్లను కొనుగోలు చేశామంటే నమ్మలేకపోతున్నాను. దుకాణదారులతోపాటు ఎవరైనా చట్ట విరుద్ధంగా యాసిడ్‌ అమ్మినా, కొనుగోలు చేసినా ఆ విషయాన్ని పోలీసులకు చేరవేయాల్సిన బాధ్యత మనపై ఉంది. యాసిడ్‌ను కొనుగోలు చేయకండి, దాన్ని ఎవరూ అమ్మకండి’’ అని పిలుపునిచ్చారు.

from Telugu Movie News | Movie News in Telugu | Movie Gossips in Telugu https://ift.tt/3a6IRy1
v