తెలుగు సినిమాను అంతర్జాతీయ స్థాయికి తీసుకెళ్లిన చిత్రం ‘బాహుబలి’. తెలుగు సినిమా ప్రేక్షకులు గర్వపడే ఈ గొప్ప చిత్రాన్ని అందించిన నిర్మాతలు శోభు యార్లగడ్డ, ప్రసాద్ దేవినేని. అంత భారీ బ్లాక్బస్టర్ చిత్రాన్ని అందించిన ఈ నిర్మాతలు వెంటనే మరో భారీ చిత్రాన్ని నిర్మించకుండా.. క్వాంటిటీ కంటే క్వాలిటీ సినిమా తీయడం ముఖ్యమని ఒక చిన్న చిత్రాన్ని నిర్మిస్తున్నారు. ఆర్కా మీడియా వర్క్స్, మహాయాణ మోషన్ పిక్చర్స్ బ్యానర్స్పై శోభు యార్లగడ్డ, ప్రసాద్ దేవినేని, విజయ ప్రవీణ పరుచూరి నిర్మాతలుగా ‘కేరాఫ్ కంచపాలెం’ ఫేమ్ వెంకటేశ్ మహ దర్శకత్వంలో ఓ సినిమాను రూపొందిస్తున్నారు. మలయాళ హీరో ఫాహద్ ఫాజిల్ హీరోగా నటించిన హిట్ చిత్రం ‘మహేశింతే ప్రతీకారమ్’ చిత్రాన్ని వెంకటేశ్ మహ తెలుగులో రీమేక్ చేస్తున్నారు. ఈ చిత్రానికి తెలుగులో ‘ఉమామహేశ్వర ఉగ్రరూపశ్య’ అనే టైటిల్ను ఖరారు చేశారు. ఈ సినిమా వీడియో అనౌన్స్మెంట్ను బుధవారం చిత్ర యూనిట్ విడుదల చేసింది. ‘బ్లఫ్ మాస్టర్’, ‘బ్రోచేవారెవరురా’, ‘ఇస్మార్ట్ శంకర్’ వంటి హిట్ చిత్రాల్లో నటించిన టాలెంటెడ్ యాక్టర్ సత్యదేవ్ కంచరన ఇందులో హీరోగా నటిస్తున్నారు. Also Read: ‘వేదం’ వంటి కంటెంట్ బేస్డ్ సినిమాను నిర్మించిన ఈ అగ్ర నిర్మాతలు ఇప్పుడు మరో డిఫరెంట్ మూవీతో ప్రేక్షకుల ముందుకు రానున్నారు. సినిమా ప్రకటన సందర్భంగా నిర్మాత శోభు యార్లగడ్డ మాట్లాడుతూ.. ‘‘వెంకటేశ్ మహ మన తెలుగు నెటివిటీకి తగ్గట్టు సినిమాను సెన్సిబుల్గా తెరకెక్కించగల దర్శకుడు. మలయాళంలో విజయవంతమైన ‘మహేశింతే ప్రతీకారమ్’ చిత్రాన్ని తెలుగు ప్రేక్షకులు మెచ్చేలా తను తెరకెక్కించగలడనే నమ్మకంతో సినిమాను స్టార్ట్ చేశాం’’ అన్నారు. వెంకటేశ్ మహ అరకు వ్యాలీలో 36 రోజుల్లోనే ఈ సినిమా షూటింగ్ను పూర్తి చేశారు. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. అన్ని కార్యక్రమాలను పూర్తి చేసి సినిమాను వచ్చే ఏడాది ఏప్రిల్ 17 విడుల చేయడానికి సన్నాహాలు చేస్తున్నారు. ఈ చిత్రానికి జాతీయ అవార్డు గ్రహీతలు బిజ్బల్ సంగీతాన్ని, అప్పు ప్రభాకర్ సినిమాటోగ్రఫీని అందించారు. సినిమాలో నరేష్, సుహాస్, జబర్దస్త్ రాంప్రసాద్, కరుణాకరణ్, టి.ఎన్.ఆర్, రవీంద్ర విజయ్, కె.రాఘవన్ తదితరులు నటించారు.
from Telugu Movie News | Movie News in Telugu | Movie Gossips in Telugu https://ift.tt/2tRWcJV
v
No comments:
Post a Comment