‘అర్జున్ సురవరం’ క్లోజింగ్ కలెక్షన్స్: అందరికీ లాభాల పంటే!

‘అర్జున్ సురవరం’ సినిమా గురించి హీరో నిఖిల్ పడిన ఆందోళన అంతా ఇంతా కాదు. అసలు ఈ సినిమా విడుదల అవుతుందా అని ఎంతో మంది ప్రశ్నించారు. షూటింగ్ పూర్తయిపోయి ఫైనల్ కాపీ తయారైపోయినా విడుదలకు మాత్రం నోచుకోకపోతే ఎవరికైనా అనుమానం వస్తుంది. సమారు ఐదు నెలల పాటు వాయిదా పడుతూ వచ్చిందంటే ఆ సినిమా హీరో, నిర్మాతల ఆందోళన ఎలా ఉంటుందో ప్రత్యేకంగా చెప్పాల్సిన అవసరంలేదు. అయినప్పటికీ తమ సినిమా కంటెంట్‌పై నిఖిల్ చాలా నమ్మకంతో ఉన్నారు. ఆ నమ్మకమే ఆయన్ని గెలిపించింది. మెగాస్టార్ చిరంజీవి ఈ సినిమాను బాగా ప్రమోట్ చేయడంతో అంచనాలు ఏర్పడ్డాయి. నవంబర్ 29న విడుదలైన ఈ చిత్రం తొలిరోజు నుంచే పాజిటివ్ టాక్‌తో దూసుకుపోయింది. బాక్సాఫీసు వద్ద మంచి కలెక్షన్లు రాబట్టింది. సూపర్ హిట్ టాక్ తెచ్చుకున్న ఈ సినిమా ప్రస్తుతం బాక్సాఫీసు వద్ద పరుగును పూర్తిగా ఆపేసింది. తెలుగు రాష్ట్రాల్లో ఈ సినిమా రూ. 8.61 కోట్ల డిస్ట్రిబ్యూటర్ షేర్‌ను వసూలు చేసింది. ప్రపంచ వ్యాప్తంగా ఫుల్ రన్‌లో రూ. 9.89 కోట్లు రాబట్టింది. ప్రపంచ వ్యాప్తంగా ఈ సినిమా గ్రాస్ కలెక్షన్ రూ. 21 కోట్లుగా ఉంది. ‘అర్జున్ సురవరం’ థియేట్రికల్ రైట్స్‌ను ప్రపంచ వ్యాప్తంగా సుమారు రూ.6 కోట్లకు విక్రయించారు. ఈ లెక్కన రూ.3.89 కోట్ల మేర లాభాన్ని ఈ సినిమా ఆర్జించింది. నిర్మాతకు, డిస్ట్రిబ్యూటర్లకు భారీ లాభం తెచ్చిపెట్టిన ‘అర్జున్ సువరం’.. నిఖిల్ కెరీర్‌లో బిగ్గెస్ట్ బ్లాక్ బస్టర్‌గా నిలిచింది. ఈ సినిమాలో నిఖిల్ సరసన లావణ్య త్రిపాఠి హీరోయిన్‌గా నటించింది. తమిళ చిత్రం ‘కనితన్’కు ఇది రీమేక్. తమిళంలో దర్శకత్వం వహించిన టి.ఎన్.సంతోష్.. తెలుగులోనూ తెరకెక్కించారు. బి.మధు సమర్పణలో మూవీ డైనమిక్స్ ఎల్ఎల్‌పి బ్యానర్‌పై రాజ్ కుమార్ నిర్మించారు. ప్రాంతాల వారీగా ‘అర్జున్ సువరం’ షేర్ కలెక్షన్ నైజాం - రూ. 3.70 కోట్లు సీడెడ్ - రూ. 92 లక్షలు ఉత్తరాంధ్ర - రూ. 1.01 కోట్లు తూర్పు గోదావరి - రూ. 60 లక్షలు పశ్చిమ గోదావరి - రూ. 52 లక్షలు గుంటూరు - రూ. 70 లక్షలు కృష్ణా - రూ. 66 లక్షలు నెల్లూరు - రూ. 41 లక్షలు ఏపీ, టీఎస్ క్లోజింగ్ కలెక్షన్ - రూ. 8.16 కోట్ల షేర్ రెస్ట్ ఆఫ్ ఇండియా - రూ. 61 లక్షలు ఓవర్సీస్ - రూ. 61 లక్షలు ప్రపంచ వ్యాప్తంగా మొత్తం షేర్ - రూ. 9.89 కోట్లు

from Telugu Movie News | Movie News in Telugu | Movie Gossips in Telugu https://ift.tt/2smAn4y
v