బాలీవుడ్ క్వీన్ స్కూల్లో ఉన్నప్పుడు ఈవ్ టీజింగ్ సంఘటన ఎదుర్కొన్నారట. ఈ విషయాన్ని ఓ సందర్భంలో బయటపెట్టారు. కంగన చండీఘడ్లో చదువుకున్నారు. స్కూల్కి వెళ్లే రోజుల్లో అబ్బాయిలు బైక్లపై వచ్చి ఆడపిల్లలను ఎక్కడపడితే అక్కడ టచ్ చేసేవారట. ఓ బైకర్ తన దగ్గరికి వేగంగా వచ్చి వక్షోజాలపై గుద్దాడట. దాంతో కంగన కళ్లు తిరిగి పడిపోయారు. దాదాపు ఐదు నిమిషాల వరకు స్పృహలోకి రాలేదట. స్పృహ వచ్చాక ఈ ఘటనను ఎవరూ చూడలేదు కదా అనుకుంటూ ఇంటికి వెళ్లిపోయానని తెలిపారు. ఎలాంటి విషయాలపైనైనా బోల్డ్ కామెంట్స్ చేయడం కంగనకు వెన్నతో పెట్టిన విద్య. చిన్నప్పుడు తనకు అలాంటి ఘటన ఎదురైతే ఎవరైనా చూసుంటారేమోనని భయపడ్డానని, కానీ ఇప్పుడు అలాంటి ఆలోచన వచ్చినా కూడా నరికి పారేసే ధైర్యం ఉందని అన్నారు. ఎందరో నటీమణులకు కంగన రోల్ మోడల్గా నిలుస్తున్నారు. అక్కినేని కోడలు సమంతకు కూడా కంగన అంటే చాలా ఇష్టం. కంగనలా మాట్లాడే ధైర్యం తమకు కూడా ఉంటే ఎంతో బాగుండు అని చాలా మంది నటీమణులు అన్నారు. ప్రస్తుతం కంగన ‘తలైవి’ బయోపిక్తో బిజీగా ఉన్నారు. దివంగత తమిళనాడు ముఖ్యమంత్రి జయలలిత జీవితాధారంగా ఈ సినిమాను ఏ ఎల్ విజయ్ డైరెక్ట్ చేస్తున్నారు. తెలుగు, తమిళంలోనూ ఈ సినిమా విడుదల కాబోతోంది. ఇటీవల విడుదలైన ఈ సినిమా ఫస్ట్లుక్ వైరల్ అయింది. జయలలితలా కాస్త లావుగా కనిపించడానికి కంగన కొన్ని స్టెరాయిడ్స్ వాడాల్సి వచ్చిందని తెలిపారు. దీంతో పాటు ఆమె ‘పంగా’, ‘ధాకడ్’ సినిమాల్లోనూ నటిస్తున్నారు. అంతేకాదు మణికర్ణిక ఫిలింస్ పేరుతో నిర్మాణ సంస్థను కూడా ప్రారంభించారు. అయోధ్య కేసుపై తొలి సినిమాను తీయబోతున్నారు.
from Telugu Movie News | Movie News in Telugu | Movie Gossips in Telugu https://ift.tt/2OK24g6
v
No comments:
Post a Comment