తమిళ్ నేర్చుకొని మరీ పంచ్ డైలాగ్స్ చెప్పేవారు.. వదిన జ్యోతిక గురించి కార్తి

కార్తి హీరోగా వయాకామ్‌ 18 స్టూడియోస్‌, ప్యారలల్‌ మైండ్స్‌ పతాకాలపై ‘దృశ్యం’ ఫేమ్‌ జీతూ జోసెఫ్‌ దర్శకత్వంలో రూపొందిన చిత్రం ‘దొంగ’. ఈ సినిమాను తెలుగులో హర్షిత మూవీస్ ప‌తాకంపై నిర్మాత రావూరి వి. శ్రీనివాస్‌ అందిస్తున్నారు. డిసెంబర్‌ 20న ప్రపంచవ్యాప్తంగా తమిళం, తెలుగు భాషల్లో ఈ చిత్రం విడుదలవుతోంది. ఈ నేపథ్యంలో చిత్ర ప్రచారంలో భాగంగా ఆదివారం కార్తి హైదరాబాద్‌లో మీడియా సమావేశం నిర్వహించారు. ఈ సందర్భంగా మీడియా ప్రతినిధులు అడిగిన పలు ప్రశ్నలకు ఆయన సమాధానాలు చెప్పారు. ఆయన చెప్పిన వాటిలో కొన్ని ఆసక్తికర సమాధానాలు మీకోసం.. ఈ సినిమాలో మీకు నచ్చిన అంశం ఏంటి? ‘రంగ్ దే బసంతి’ సినిమాకు వర్క్ చేసిన రైటర్ రెన్సిల్ డిసిల్వ ఈ స్క్రిప్ట్‌ను నా దగ్గరకు తీసుకొచ్చారు. నరేషన్ చేస్తున్నప్పుడే స్క్రిప్ట్‌లో అక్క క్యారెక్టర్ నాకు నచ్చింది. అప్పుడే వదినకు వినిపించాను. ఆమెకు బాగా నచ్చింది. ఎమోషన్స్ బాగా వర్కౌట్ అయ్యాయి. డైరెక్టర్ ఎవరైతే బాగుంటుంది అనుకున్నపుడు ‘దృశ్యం’ ఫేమ్ జీతూ జోసెఫ్ అయితే ఈ కథకు పూర్తి న్యాయం చేయగలరు అనిపించింది. దీంతో మా ప్రొడ్యూసర్స్ ఆయన్ని కాంటాక్ట్ అయ్యారు. కార్తి, జ్యోతిక ఇద్దరూ చేస్తున్నారంటే నేను తప్పకుండా చేస్తాను అని ఆయన ఓకే చేశారు. జీతూ జోసెఫ్‌కి స్క్రిప్ట్ నచ్చగానే నాకు సినిమా మీద కాన్ఫిడెంట్ పెరిగింది. మీ వదిన జ్యోతిక గారితో కలిసి నటిస్తున్నప్పుడు సెట్లో ఎలా అనిపించేది? రెగ్యులర్‌గా ఇంట్లో కూర్చుని మాట్లాడుకున్నట్లే ఉండేది. ఎందుకంటే క్యారెక్టర్స్ కూడా అలాంటివే. అయితే ఆవిడ యాక్టింగ్ స్కిల్స్ గ్రేట్. పైగా ఆవిడది స్ట్రాంగ్ క్యారెక్టర్. అప్పట్లో తమిళ్ నేర్చుకొని పంచ్ డైలాగ్స్ చెప్పి ఇవి నీ సినిమాలో పెట్టుకో అనేవారు. అలాగే మా ఫాదర్ రోల్‌లో నటించిన సత్యరాజ్ గారిది కూడా స్ట్రాంగ్ క్యారెక్టర్. అలాంటి గ్రేట్ ఆర్టిస్ట్‌ల పక్కన చేస్తున్నపుడు మనకు తెలియకుండానే బాగా చేయగలం. సినిమా ఏ జోనర్‌లో ఉంటుంది? సినిమా గురించి చెప్పాలంటే మంచి ఫ్యామిలీ ఎంటర్‌టైనర్. స్ట్రాంగ్ ఎమోషన్స్ ఉన్నాయి. అలాగే సస్పెన్స్ ఉంది. దృశ్యం డైరెక్టర్ కాబట్టి ఆయన స్పెషాలిటీ ‘థ్రిల్లింగ్’ కూడా ఉంటుంది. నా క్యారెక్టర్ ‘ఊపిరి’ సినిమాలో నేను చేసిన ‘శీను’ క్యారెక్టర్‌లా ఉంటుంది. అంతేకాదు ‘నాపేరు శివ’ యాక్షన్ థ్రిల్లింగ్ ఎలిమెంట్స్ కూడా ఉంటాయి. ‘నా పేరు శివ’, ‘ఊపిరి’ క‌లిపితే వ‌చ్చిన డిఫ‌రెంట్ ఫిలింలా ఉంటుంది ‘దొంగ’. సత్యరాజ్‌తో సెకండ్ మూవీ కదా. ఆ ఎక్స్‌పీరియన్స్ ఎలా ఉంది? సత్యరాజ్ గారితో ‘చినబాబు’ సినిమా చేశాను. ఈ స్క్రిప్ట్ విన్న తరువాత తండ్రి క్యారెక్టర్ సత్యరాజ్ గారు చేస్తారంటేనే సినిమా చేద్దాం అని అన్నాను. అంత పవర్ఫుల్ క్యారెక్టర్. చాలా షేడ్స్ ఉంటాయి. ఆయన కూడా చాలా రోజుల తరువాత పెర్ఫామెన్స్‌కి మంచి స్కోప్ ఉన్న క్యారెక్టర్ దొరికింది అని చెప్పారు. అలాగే షావుకారి జానకి, సీత గార్ల క్యారెక్టర్లు కూడా కీలకంగా ఉంటాయి. ‘దొంగ’ టైటిల్ జస్టిఫికేషన్ ఏంటి? ‘ఊపిరి’ సినిమాకు ‘దొంగ’ అని టైటిల్ పెట్టొచ్చు. కేవలం దొంగతనం చేయడమే కాదు ఇతరుల మనసుల్ని దోచుకున్నా ‘దొంగ’ టైటిల్ సరిపోతుంది. ఒక ‘దొంగ’ మంచిగా మారి అందరి హృదయాల్ని ఎలా దోచుకున్నాడనే స్టోరీ కాబట్టి ఆ టైటిల్ యాప్ట్ అనిపించింది. చిరంజీవి గారు కూడా ‘ఖైదీ’ తర్వాత ‘దొంగ’ చేశారు. మీరూ అదే ఫాలో అయ్యారు? ‘ఖైదీ’ టైటిల్ చిరంజీవి గారిది అని తెలియగానే చాలా సంతోషం వేసింది. ఆ సినిమాకు కూడా అది యాప్ట్ టైటిల్. ఈ సినిమా కోసం ‘తమ్ముడు’ టైటిల్ అనుకున్నాం కానీ కుదరలేదు. ఇప్పుడు మళ్ళీ ‘దొంగ’ కూడా చిరంజీవి గారి టైటిల్ కావడం నిజంగా హ్యాపి. జోసెఫ్ గారితో వర్కింగ్ ఎక్స్‌పీరియ‌న్స్‌? చాలా కాలం తర్వాత అనుభవజ్ఞుడైన డైరెక్టర్‌తో చేస్తున్నాను. ఆయన చాలా మంది సీనియర్ యాక్టర్స్‌తో వర్క్ చేశారు. షూటింగ్ స్పాట్‌కి వెళ్ళగానే సినిమా అనేది టీమ్ ఎఫర్ట్, మనం అందరం కలిసి మంచి సినిమా తీద్దాం అనేవారు. ప్రతి రోజు ఉదయం అందరం కలిసి కూర్చొని ఆ రోజు చేయాల్సిన సన్నివేశాల గురించి మాట్లాడుకుని చేసే వాళ్ళం. ఒక సీనియర్ డైరెక్టర్‌లా కాకుండా ఒక క్లాస్ మేట్‌తో చేస్తున్న ఫీలింగ్ కలిగింది.

from Telugu Movie News | Movie News in Telugu | Movie Gossips in Telugu https://ift.tt/35AsO8I
v