ప్రముఖ హాలీవుడ్ సింగర్, యాక్టర్ జస్టిన్ టింబర్లేక్ తన ఫ్యామిలీ ముందు తలదించుకోవాల్సిన పరిస్థితి వచ్చింది. ఓ నటి చెయ్యి పట్టుకున్నందుకు హాలీవుడ్ మీడియా అతని గురించి ఏవేవో రాసేసింది. దాంతో సోషల్ మీడియాలో అతను సంజాయిషీ ఇచ్చుకోవాల్సి వచ్చింది. అసలేం జరిగిందంటే.. తన కోస్టార్ అయిన అలీషా వెయిన్రైట్తో కలిసి ఓ బార్కి వెళ్లారు. అక్కడ ఇద్దరూ బాగా తాగారు. అయితే ఏదో సందర్భంలో జస్టిన్.. అలీషా చెయ్యి పట్టుకున్నారు. అలీషా జస్టిన్ మోకాలిపై చెయ్యి వేసింది. దాంతో బార్లో ఉన్న కొందరు ఫొటోగ్రాఫర్లు వారి ఫొటోలు తీసి సోషల్ మీడియాలో వైరల్ చేశారు. దాంతో జస్టిన్ భార్య జెస్సికాకు అతనిపై అనుమానం వచ్చింది. మీడియా దీనిపై రచ్చ చేయడంతో జస్టిన్ తలెత్తుకోలేకపోయాడు. దాంతో తన గురించి వస్తున్న తప్పుడు గాసిప్స్కు ఫుల్ స్టాప్ పెట్టాలనుకున్నాడు. వెంటనే ఆరోజు రాత్రి బార్లో ఏం జరిగిందో వివరించాడు. ‘నేను గాసిప్స్కు సాధ్యమైనంత దూరంగా ఉంటాను. కానీ నా కుటుంబానికి ఇలాంటి గాసిప్స్ వల్ల ఎలాంటి సమస్యలు రాకూడదు. అందుకే నేను స్పందించాలనుకుంటున్నాను. కొన్ని వారాల క్రితం నా కోస్టార్ అలీషాతో నేనున్న ఫొటోలను వైరల్ చేశారు. ఇక్కడ ఓ విషయం క్లియర్గా చెప్పాలనుకుంటున్నాను. ఆరోజు రాత్రి నాకు, అలీషాకు మధ్య ఏమీ జరగలేదు. తాగి ఉన్నాం కానీ ఆమెతో నేను సెక్స్ చేయలేదు. ఆరోజు రాత్రి నేను బాగా తాగేసి ఉన్నాను. ఆమె చెయ్యి పట్టుకోవడం తప్పే. అందుకు క్షమించమని అడుగుతున్నాను. నా కుమారుడికి నేనో ఉదాహరణలా నిలవాలని అనుకుంటున్నాను. నా అద్భుతమైన భార్యకు, కుటుంబానికి క్షమాపణలు చెప్పాలనుకుంటున్నాను. ఇక నుంచి మంచి భర్త, తండ్రి అనిపించుకోవాలని అనుకుంటున్నాను’ అని తెలిపారు.
from Telugu Movie News | Movie News in Telugu | Movie Gossips in Telugu https://ift.tt/34PPyBj
v
No comments:
Post a Comment