వరుణ్ తేజ్‌కు తండ్రిగా మాధవన్.. టోటల్లీ ఫేక్, పంచ్ అదిరింది!

సినిమా ఇండస్ట్రీలో ఏదైనా కొత్త ప్రాజెక్ట్ ప్రారంభమైతే దాని గురించి బోలెడన్ని రూమర్లు క్రియేట్ అవుతాయి. అందులోనూ స్టార్ హీరోల సినిమాలైతే రోజుకో కొత్త విషయం బయటకి వస్తుంటుంది. కానీ, వాటిలో నిజానిజాలు ఏమిటో చిత్ర యూనిట్ అధికారికంగా ప్రకటిస్తే కానీ తెలీదు. తాజాగా వరుణ్ తేజ్ కొత్త సినిమా విషయంలో ఇలాంటి రూమరే ఒకటి వినిపించింది. కిరణ్ కొర్రపాటి దర్శకత్వంలో వరుణ్ తేజ్ ఒక సినిమా చేస్తోన్న సంగతి తెలిసిందే. ఇది వరుణ్‌కు పదో సినిమా. అల్లు అరవింద్ సమర్పణలో రినైసాన్స్ పిక్చర్స్ బ్యానర్‌పై సిద్ధు ముద్ద, అల్లు వెంకటేష్ ఈ చిత్రాన్ని నిర్మిస్తున్నారు. ఎస్.ఎస్.తమన్ సంగీతం సమకూరుస్తున్నారు. ఈ సినిమాలో వరుణ్ తేజ్ బాక్సర్‌గా కనిపించనున్నారు. అయితే, ఈ చిత్రంలో వరుణ్ తేజ్‌కు తండ్రిగా ప్రముఖ నటుడు మాధవన్ నటించనున్నారనే వార్త ప్రస్తుతం వినిపిస్తోంది. అంతేకాదు, ఈ వార్త సోషల్ మీడియాలో బాగా వైరల్ అవుతోంది. హీరో-డైరెక్టర్ కాంబినేషన్ కన్నా మాధవన్-వరుణ్ కాంబినేషన్ చాలా ఇంట్రస్టింగ్‌గా ఉందంటూ ప్రచారం చేస్తున్నారు. Also Read: అయితే, ఈ విషయాన్ని ట్విట్టర్ ద్వారా ఒక అభిమాని మాధవన్‌ను ప్రశ్నించారు. ‘ఏంటి? నిజంగా? మాధవన్ తండ్రి పాత్ర చేస్తున్నారా? ఇది ఫేక్ అని నేను భావిస్తున్నాను’ అని మాధవన్ అభిమాని ట్వీట్‌లో పేర్కొన్నారు. ఈ ట్వీట్‌కు మాధవన్ స్పందించారు. ‘టోటల్లీ ఫేక్ బ్రో.. నేనింకా పిల్లాడినే’ అని మాధవన్ తన ట్వీట్‌లో పేర్కొన్నారు. మొత్తానికి ఈ వార్త విపరీతంగా వైరల్ కాకముందే మాధవన్ స్పందించి పుల్‌స్టాప్ పెట్టేశారు. లేదంటే టాం టాం అయిపోయి ఉండేది.

from Telugu Movie News | Movie News in Telugu | Movie Gossips in Telugu https://ift.tt/33YxmFm
v