జనసేన అధినేత, పవర్ స్టార్ పవన్ కళ్యాణ్ను వ్యతిరేకించే బ్యాచ్ ఒకటి ఇండస్ట్రీలో ఉందనే విషయం అందరికీ తెలిసిందే. ఈ బ్యాచ్లో నటి పూనమ్ కౌర్ కూడా ఉన్నారు. ఈమె అప్పుడప్పుడు ట్విట్టర్ వేదికగా పవన్ కళ్యాణ్ను ఉద్దేశించి పరోక్షంగా కామెంట్లు చేస్తుంటారు. అవి నచ్చక పవన్ ఫ్యాన్స్ పూనమ్ను ట్విట్టర్లోనే ఏకిపారేస్తుంటారు. అయినప్పటికీ ఆమె ఎక్కడా తగ్గరు. ఇటీవలే పవన్ను ఉద్దేశించి ఒక వివాదాస్పద ట్వీట్ చేసిన పూనమ్ కౌర్.. ఇప్పుడు మరో ట్వీట్ చేశారు. ‘యాంగర్ ఈజ్ నాట్ పవర్’ అని చాలా సింపుల్గా ట్వీట్ చేశారు. కానీ, దీనిలో అంతరార్థం చాలానే ఉంది. ఇసుక కొరత కారణంగా నాలుగు నెలలుగా సమస్యలు ఎదుర్కొంటున్న భవన నిర్మాణ కార్మికులకు మద్దతుగా జనసేన అధినేత పవన్ కళ్యాణ్ ఆదివారం విశాఖపట్నంలో లాంగ్ మార్చ్ చేపట్టిన విషయం తెలిసిందే. ఈ లాంగ్ మార్చ్ అనంతరం జరిగిన బహిరంగ సభలో పవన్ కళ్యాణ్ మాట్లాడుతూ ఎప్పటిలానే ఆగ్రహంతో ఊగిపోయారు. ప్రభుత్వానికి డెడ్ లైన్ పెట్టారు. ఈ విషయాన్ని ప్రస్తావిస్తున్నట్టుగా పూనమ్ కౌర్ సోమవారం పరోక్షంగా ట్వీట్ చేశారు. ‘కోపం అనేది శక్తి కాదు’ అని అర్థమొచ్చేలా ఇంగ్లిష్లో ట్వీట్ చేశారు. Also Read: ఈ ట్వీట్ పవన్ కళ్యాణ్ అభిమానులకు ఆగ్రహం తెప్పించింది. ఎప్పటిలానే ఆమెపై కొంత మంది అభిమానులు విరుచుకుపడ్డారు. వైసీపీకి ఎంతకు అమ్ముడుపోయావ్, శ్రీరెడ్డి మాదిరిగా బాగా పాపులారిటీ కోరుకుంటున్నట్టు ఉన్నావ్, నీకు సెన్స్ అంటూ ఉంటే పేరు మెన్షన్ చేయి.. ఇలా ఎవరికి ఇష్టం వచ్చినట్టు వాళ్లు కామెంట్లు పెట్టారు. అయితే, పూనమ్ను సపోర్ట్ చేసేవాళ్లు కూడా ఎక్కువగానే ఉన్నారు. వాళ్లంతా పూనమ్ను మోసేస్తున్నారు. పవన్ కళ్యాణ్ను ట్రోల్ చేస్తున్నారు. ఐదురోజుల క్రితం కూడా పూనమ్ కౌర్ ఇలాంటి ట్వీటే ఒకటి చేశారు. ‘‘ఓ అబద్ధాల కోరు రాజకీయ నాయకుడు కాగలడేమో కానీ నాయకుడు కాలేడు’’ అని ట్వీట్లో పేర్కొన్నారు. ఈ ట్వీట్ కూడా పవన్ కళ్యాణ్ను ఉద్దేశించి చేసిందేనని పలువురు నెటిజన్లు అభిప్రాయపడ్డారు. పవన్ ఫ్యాన్స్ అయితే అప్పుడు కూడా పూనమ్కు వార్నింగ్లు ఇచ్చారు. కానీ, మేడమ్ అస్సలు తగ్గట్లేదు. అవకాశం దొరికినప్పుడల్లా పవన్ కళ్యాణ్ను ఉద్దేశించి పరోక్షంగా ఇలాంటి ట్వీట్లు చేసి దుమారం రేపుతున్నారు.
from Telugu Movie News | Movie News in Telugu | Movie Gossips in Telugu https://ift.tt/2JP4OWH
v
No comments:
Post a Comment