ఏళ్లు గడుస్తున్నా సూపర్ స్టార్ వయసు మాత్రం తరగదు. సినిమా సినిమాకీ ఆయన వయసు తగ్గుతోందనే చెప్పాలి. అందుకే ఆయన నటించే సినిమాల నుంచి విడుదలయ్యే పోస్టర్లకు క్రేజ్ ఎక్కువగా ఉంటుంది. అయితే దసరా సందర్భంగా మహేశ్ బాబు నటిస్తున్న ‘సరిలేరు నీకెవ్వరు’ సినిమాకు సంబంధించిన కొత్త పోస్టర్ను చిత్రబృందం విడుదల చేసింది. కొండారెడ్డి బురుజు ముందు ఆర్మీ ప్యాంట్ వేసుకుని చేతిలో గొడ్డలి పట్టుకుని కోపంగా చూస్తున్నట్లుగా ఉన్న ఆ లుక్కు విపరీతమైన రెస్పాన్స్ వచ్చింది. అయితే అందరికీ మహేశ్ బాబు నచ్చాలని లేదు కదా. అందుకే పోస్టర్లకు ఆయన ఇచ్చే పోజులను టార్గెట్ చేస్తూ కొందరు నెటిజన్లు ట్రోల్ చేశారు. మీరు బాగా గమనించినట్లైతే మహేశ్ బాబు సింగిల్ పోస్టర్లన్నీ దాదాపుగా ఒకే స్టిల్తో ఉంటాయి. ఆగడు, భరత్ అనే నేను, శ్రీమంతుడు, ఇప్పుడు రాబోతున్న సరిలేరు నీకెవ్వరు సినిమాలోని పోస్టర్లలో మహేశ్ చేతిలో ఏదో ఒక వెపన్ పట్టుకుని ఒకే స్టిల్లో నిలబడి ఉంటాడు. దాంతో ఆయన ప్రతీ సినిమాలో ఒకే స్టిల్ ఇస్తున్నాడంటూ పలువురు నెటిజన్లు ఏకిపారేస్తున్నారు. మహేశ్ సినిమాలో కేవలం దుస్తులు మారుస్తున్నారే తప్ప ఇతర హీరోల్లా కొత్తగా కనిపించేందుకు ప్రయత్నించడంలేదని అంటున్నారు. అంతేకాదు ఆయన పోస్టర్లలో కాళ్ల మధ్య దూరం పెరుగుతోందే తప్ప ఎలాంటి మార్పూ ఉండటం లేదని ఎగతాళి చేస్తున్నారు. ఈ ట్రోలింగ్ కామెంట్స్ వినడానికి కాస్త ఘాటుగా ఉన్నా వారి అభిప్రాయంలో ఓ అర్థముందనే చెప్పాలి. టాలీవుడ్లో దాదాపు అగ్ర హీరోలందరూ తమ సినిమాలతో ఏదో ఒక కొత్త గెటప్లో ప్రేక్షకులను అలరించాలని చూస్తున్నారు. కానీ మహేశ్ ‘టక్కరి దొంగ’ నుంచి నిన్న విడుదలైన ‘మహర్షి’ వరకు ఒకేలా ఉన్నాడు. సినిమాలో ఆయన వేసే పాత్రలు మారుతున్నాయేమో కానీ ఆయన గెటప్ మాత్రం మారడంలేదు. అలాగని తప్పంతా మహేష్దేనని అనలేం. దర్శకుడు చెప్పినట్లుగానే తన లుక్ను మెయింటైన్ చేస్తుంటాడు. మహేష్ లుక్స్తో ప్రయోగాలు చేస్తే రిస్కీ అని దర్శకులను ఆయన్ను విభిన్న గెటప్స్లో చూపించేందుకు ధైర్యం చేసుండకపోవచ్చు. పైగా మహేష్ టాలీవుడ్ చిత్ర పరిశ్రమకు దక్కిన అరుదైన రకం అని ‘భరత్ అనే నేను’ ప్రీ రిలీజ్ ఈవెంట్లో యంగ్ టైగర్ ఎన్టీఆర్ కితాబిచ్చారు. ఆయన్ను ఇలాగే ఉంచాలని అభిమానుల్ని కోరారు. ఇక ‘సరిలేరు నీకెవ్వరు’ పోస్టర్ గురించంటారా.. ఇప్పటికే రావాల్సిన దానికంటే ఎక్కువ రెస్పా్న్సే వచ్చింది. సినిమాకు ఇంతకంటే ఏం కావాలి చెప్పండి. మహేశ్ లుక్పై ట్రోల్ చేస్తున్నవారంతా సినిమా విడుదలయ్యాక తామెంత తప్పుగా ఆలోచించారో వారికే తెలుస్తుంది.
from Telugu Movie News | Movie News in Telugu | Movie Gossips in Telugu https://ift.tt/2OyE9k4
v
No comments:
Post a Comment