అయ్యో.. బన్నీ కూడా హ్యాండ్‌ ఇచ్చాడా..!

రంగస్థలం లాంటి బ్లాక్‌ బస్టర్‌ సక్సెస్‌ తరువాత దర్శకుడు సుకుమార్‌ ఇంత వరకు తన తదుపరి చిత్రాన్ని ప్రారంభించలేదు. ముందుగా మహేష్ బాబుతో సుకుమార్‌ సినిమా ఉంటుందని అధికారిక ప్రకటన కూడా వచ్చింది. కానీ క్రియేటివ్‌ డిఫరెన్సెస్‌ కారణంగా ఈ ప్రాజెక్ట్ సెట్స్‌ మీదకు వెళ్లలేదు. తరువాత వెంటనే అల్లు అర్జున్‌ హీరో సుకుమార్ సినిమా అంటూ అధికారిక ప్రకటన వచ్చింది. ఈ లోగా త్రివిక్రమ్‌ శ్రీనివాస్‌ దర్శకత్వంలో అల వైకుంఠపురములో సినిమాను ప్రారంభించాడు బన్నీ. ప్రస్తుతం ఈ సినిమా పనులు శరవేగంగా జరుగుతున్నాయి. ఈ సినిమా 2020 సంక్రాంతి కానుకగా ప్రేక్షకుల ముందుకు రానుంది. ఈ సినిమా సెట్స్‌ మీద ఉండగానే సుకుమార్‌ సినిమాను ప్రారంభించాలని ప్లాన్ చేశాడు బన్నీ. అందుకే దసరా రోజున సినిమాను లాంఛనంగా ప్రారంభిస్తారన్న ప్రచారం జరిగింది. Also Read: కానీ తాజాగా బన్నీ, సుకుమార్‌ల సినిమాల ఆగిపోయినట్టుగా ప్రచారం జరుగుతోంది. సెకండ్‌ హాఫ్ విషయంలో హీరో దర్శకుల మధ్య ఏకాభిప్రాయం కుదరనందువల్లే ప్రాజెక్ట్ డిలీ అవుతుందన్న టాక్‌ వినిపిస్తోంది. కానీ సుకుమార్‌ సన్నిహితులు మాత్రం అలాంటిదేమి లేదంటున్నారు. ఇప్పటికే కథా కథనాలు సిద్ధమయ్యాయని త్వరలోనే దేవీ శ్రీ ప్రసాద్‌ సారధ్యంలో మ్యూజిక్‌ సిట్టింగ్స్‌ కూడా ప్రారంభమవుతాయని చెపుతున్నారు. మహేష్ తో తెరకెక్కించాలనకున్న కథనే కొద్దిపాటి మార్పులతో బన్నీ హీరోగా రూపొందిస్తున్నారన్న టాక్‌ వినిపిస్తోంది. ఎర్రచందనం స్మగ్లింగ్ నేపథ్యంలో తెరకెక్కనున్న ఈ సినిమాను భారీ బడ్జెట్‌తో రూపొందించేందుకు ప్లాన్ చేస్తున్నారు. Also Read: మరి అన్ని అనుకున్నట్టుగా జరుగుతుంటే దసరా రోజు ప్రారంభించాల్సి సినిమాను ఎందుకు వాయిదా వేశారన్న అనుమానాలు కలుగుతున్నాయి. దీంతో పాటు ఐకాన్‌ అనే సినిమాను కూడా సెట్స్‌ మీదకు తీసుకెళ్లే ఆలోచనలో ఉన్నాడు. వేణు శ్రీరామ్ దర్శకత్వంలో తెరకెక్కుతున్న ఈ సినిమాను దిల్ రాజు నిర్మిస్తున్నాడు. ఐకాన్‌ ముందుగానే ఎనౌన్స్‌ అయినా సుకుమార్‌తో ఉన్న స్నేహం కారణంగా బన్నీ ఈ సినిమానే ముందుగా ప్రారంభించాలనుకున్నాడు. కానీ కథ సిద్థం కాలేదన్న వార్తలు వస్తుండటంతో ఏ ప్రాజెక్ట్ ముందు సెట్స్‌ మీదకు వెళుతుందో అన్న అనుమానాలు కలుగుతున్నాయి. ఇప్పటికే మహేష్‌ ప్రాజెక్ట్ క్యాన్సిల్‌ అవ్వడంతో ఇబ్బందుల్లో ఉన్న సుకుమార్‌ను బన్నీ సినిమా కూడా ఆగిపోయిందన్న వార్తలు మరింత ఇబ్బంది పెడుతున్నాయి. మరి ఇప్పటికైనా ఈ విషయంపై సుకుమార్ టీం స్పందించి ఈ వార్తలపై అధికారిక ప్రకటన ఇస్తుందేమో చూడాలి.

from Telugu Movie News | Movie News in Telugu | Movie Gossips in Telugu https://ift.tt/30VdeSh
v