సెక్స్ కాన్సెప్ట్‌ అన్నారు నా వల్ల కాదన్నాను: సందీప్ రెడ్డి వంగా

లస్ట్, సెక్స్ కాన్సెప్ట్‌తో ఉన్న సినిమాలను తాను డైరెక్ట్ చేయనని అంటున్నారు ప్రముఖ దర్శకుడు సందీప్ రెడ్డి వంగా. బాలీవుడ్‌లో వివాదాస్పదమైన ‘లస్ట్ స్టోరీస్’ వెబ్ సిరీస్‌ను తెలుగులో రీమేక్ చేయబోతున్నారని ఎప్పటినుంచో సన్నాహాలు జరుగుతున్నాయి. నాలుగు భాగాలుగా దీనిని తెరకెక్కించనున్నారని, ఒక భాగాన్ని డైరెక్ట్ చేస్తారని గాసిప్స్ వచ్చాయి. దీనిపై తాజాగా సందీప్ రెడ్డి స్పందించారు. తనకు డైరెక్ట్ చేసే ఆఫర్ వచ్చినమాట నిజమేనని తెలిపారు. అయితే తాను లస్ట్ స్టోరీస్ రీమేక్‌ను డైరెక్ట్ చేయనని చెప్పానని అన్నారు. తనకు లస్ట్, సెక్స్ బేస్డ్ కాన్సెప్ట్స్‌ అంటే ఆసక్తి లేదని పేర్కొ్న్నారు. అయితే త్వరలో ఓ వెబ్ సిరీస్‌ను డైరెక్ట్ చేయాలని అనుకుంటున్నట్లు వెల్లడించారు. ‘మరో ఐదేళ్లలో నేను ఓ వెబ్ సిరీస్‌ను డైరెక్ట్ చేస్తాను. రియల్ లైఫ్ ఇన్సిడెంట్స్‌తో ఈ వెబ్ సిరీస్ ఉంటుంది. కొందరు స్నేహితుల నేపథ్యంలో సాగే వెబ్ సిరీస్. దీనిని నేను సినిమాగా తీయలేను. ఎందుకంటే సెన్సార్ బోర్డు విడుదల చేయడానికి ఒప్పుకోదు’ అని తెలిపారు. ప్రస్తుతం సందీప్ రెడ్డి వంగా టీ సిరీస్ నిర్మి్స్తున్న ఓ సినిమాకు దర్శకత్వం వహిస్తున్నారు. ఇక లస్ట్ స్టోరీస్ రీమేక్ విషయానికొస్తే ఈ నందినీ రెడ్డి, తరుణ్ భాస్కర్ కూడా డైరెక్ట్ చేయబోతున్నారని వార్తలు వెలువడ్డాయి. దీనిపై నందినీ రెడ్డి స్పందిస్తూ.. అందులో నిజం లేదని అన్నారు. ఆల్రెడీ సబ్ టైటిల్స్ ఉన్న వెబ్ సిరీస్‌ని మళ్లీ రీమేక్ చేయడమేంటని అన్నారు. రీమేక్‌లో అమలా పాల్, జగపతి బాబు ప్రధాన పాత్రల్లో నటించనున్నట్లు గాసిప్స్ వినిపించాయి. అయితే లస్ట్ స్టోరీస్‌ని తెలుగులో రీమేక్ చేయడానికి సన్నాహాలు జరుగుతున్నాయని సందీప్ రెడ్డి స్పష్టం చేశారు. ఇంతకీ ఈ లస్ట్ స్టోరీస్ కాన్సెప్ట్ ఏంటంటే.. లస్ట్ అంటే సెక్స్ ‌కోసం తహతహలాడటం. అలాగని ఇది పెద్ద తప్పు పదం ఏమీ కాదు. ప్రపంచంలోని ప్రతి ఒక్కరూ కోరుకునేదే. అది అమ్మాయి కావచ్చు అబ్బాయి కావచ్చు. అయితే మహిళలకు కూడా సెక్సువల్ ప్లెజర్ అనేది ఉంటుంది అని, వారికీ విభిన్నమైన లవ్ స్టోరీస్ ఉంటాయని తెలియజేయడానికి ఈ కాన్సెప్ట్‌ను ఎంచుకున్నారు.

from Telugu Movie News | Movie News in Telugu | Movie Gossips in Telugu https://ift.tt/2Pf59Wf
v