బాలీవుడ్ నటుడు ఆయుష్మాన్ ఖురానా నుంచి మరో ఆసక్తికరమైన సినిమా రాబోతోంది. ‘డ్రీమ్ గర్ల్’ సినిమాలో అమ్మాయి గెటప్తో అలరించిన ఆయుష్మా్న్ ఇప్పుడు బట్టతల వల్ల కలిగే ఇబ్బందులు ఎలా ఉంటాయో ఫన్నీగా చెప్పడానికి ‘బాలా’ సినిమాతో ప్రేక్షకుల ముందుకు రాబోతున్నాడు. అమర్ కౌశిక్ దర్శకత్వం వహించిన ఈ సినిమా ట్రైలర్ తాజాగా విడుదలైంది. ఇందులో ఆయుష్మాన్ పాత్ర పేరు . కుర్రాడు చూడటానికి బాగానే ఉంటాడు కానీ బట్టతల ఉంటుంది. దాంతో అతన్ని చూసి అందరూ నవ్వుతుంటాడు. అమ్మాయిలు కూడా దగ్గరికి రారు. ఎన్ని విగ్గులు పెట్టుకుని చూసినా కూడా అవి ఊడిపోతూనే ఉండేవి. మార్కెట్లో దొరికే ఆయుర్వేదం నూనెలు కూడా కొనుక్కుని వాడుతూ ఉంటాడు. అయినా అతనికి జుట్టు పెరగదు. చివరికి ఆవు పేడను కూడా తలకు రాసుకుంటాడు. అయినా ఏం లాభం ఉండదు. దాంతో హెయిర్ ట్రాన్స్ప్లాంటేషన్ చేయించుకోవాలని అనుకుంటాడు. డాక్టర్ వద్దకు వెళ్లి తన సమస్య చెప్పుకుంటాడు. అయితే తలలో జుట్టు ఇంజెక్ట్ చేయడానికి అతని శరీరంలో ఎక్కడా అంత జుట్టు లేదని, దాంతో పర్సనల్ పార్ట్స్లో వచ్చే వెంట్రుకలతో హెయిర్ ట్రాన్స్ప్లాంటేషన్ చేయాలని డాక్టర్స్ అంటారు. దాంతో ఆయుష్మాన్ భయంతో పారిపోతాడు. ఇందులో యామి గౌతమ్, భూమి పెడ్నేకర్ కథానాయికలుగా నటించారు. భూమి నల్ల అమ్మాయి పాత్రలో నటించింది. యామి తెల్లగా అందంగా ఉంటుంది. దాంతో సినిమాలో ఆయుష్మాన్.. యామిని చూసి ఇష్టపడతాడు. ఆమె ముందు విగ్గు పెట్టుకుని ఒత్తైన జుట్టు ఉందని పోజు కొడుతుంటాడు. అతనికి బట్ట తల ఉందని తెలిసిన రోజు ఆయుష్మాన్ పరిస్థితేంటి? బట్టతల పోవడానికి అతను ఏన్ని పాట్లు పడ్డాడు? అన్నదే ఈ సినిమా కథ. నవంబర్ 7న ఈ సినిమా ప్రేక్షకుల ముందుకు రానుంది. ఆయుష్మాన్ ప్రేక్షకుల నాడి తెలిసినవాడు. ఎలాంటి కంటెంట్ ఉంటే ప్రేక్షకులు కనెక్ట్ అవుతారో ఆయనకు బాగా తెలుసు. లక్కీగా అలాంటి కాన్సెప్ట్లే ఆయన వద్దకు వస్తున్నాయి. అందుకే ఆయుష్మాన్ ఇండస్ట్రీలో కంటెంట్ ఉన్న సినిమాలతో నిలదొక్కుకోగలుగుతున్నారు. ఆయన నటించిన ‘అందాధున్’ సినిమాకు గానూ జాతీయ అవార్డు దక్కింది. ట్రైలర్తోనే ‘బాలా’ సినిమా ఎలా ఉండబోోతోందో ఓ హింట్ ఇచ్చేశాడు ఆయుష్మాన్. సినిమా సూపర్ హిట్ అవుతుందనడంతో ఎలాంటి సందేహం లేదు.
from Telugu Movie News | Movie News in Telugu | Movie Gossips in Telugu https://ift.tt/2p5Kl8C
v
No comments:
Post a Comment