‘బాహుబలి’ సినిమా తర్వాత యంగ్ రెబెల్ స్టార్ ప్రభాస్కు అంతర్జాతీయ స్థాయిలో గుర్తింపు లభించింది. ప్రస్తుతం టాలీవుడ్లో మాత్రమే కాదు ఇండియాస్ బిగ్గెస్ట్ స్టార్లలో ఒకరు అని చెప్పొచ్చు. అయితే తన పెదనాన్న కృష్టంరాజులా ప్రభాస్ సినిమాల్లోకి రాకపోయి ఉంటే.. దేశం ఓ మంచి స్టార్ను చూడలేకపోయేది. మన అదృష్టం బాగుండి ప్రభాస్ హీరో అయ్యాడు. లేకపోతే వాళ్ల అమ్మ చెప్పినట్లు ఏదో ఒక ఉద్యోగం చూసుకుని ఉండేవాడు. సినిమాల్లోకి రాకముందు ప్రభాస్ను వాళ్ల అమ్మ ఏదన్నా ఉద్యోగం చూసుకోమన్నారట. ఈ విషయాన్ని ఇటీవల ఓ ఇంటర్వ్యూలో వెల్లడించారు. ‘నేను నటించడం అమ్మకు ఇష్టం లేదు. నేను సినిమాల్లోకి రాకముందు అమ్మ నన్ను ఏదన్నా మంచి ఉద్యోగం చూసుకోమంది. లేదా ఏదన్నా వ్యాపారం మొదలుపెట్టమంది. మొత్తానికి నాకంటూ ఓ ఇల్లు, ఉద్యోగంతో నేను సంతోషంగా ఉండాలన్నది మా అమ్మ కోరిక. కానీ ఇంట్లో పెదనాన్న వల్ల సినిమా వాతావరణం ఉండటంతో నాకూ సినిమాల్లోకి వెళ్లాలనిపించింది. అమ్మ కూడా అడ్డు చెప్పలేదు. అయితే బాహుబలి సినిమా చూశాక మా అమ్మ నాకు ఓ విషయం చెప్పింది. సినిమా సక్సెస్ అయింది కాబట్టి మనకు తెలీకుండానే కళ్లు నెత్తికెక్కుతాయని, అలా ఎప్పుడూ ఉండకూడదని అమ్మ చెప్పింది. ఎంత ఎదిగినా ఒదిగి ఉండాలని సూచించింది’ అని వెల్లడించాడు ప్రభాస్. ప్రస్తుతం ప్రభాస్ ‘జిల్’ దర్శకుడు ఎస్ రాధాకృష్ణ డైరెక్షన్లో నటిస్తున్నారు. ఈ సినిమాకు ‘జాన్’ అనే టైటిల్ను ఖరారు చేయాలని అనుకుంటున్నారు. ఇందులో ప్రభాస్కు జోడీగా పూజా హెగ్డే నటిస్తు్న్నారు. షూటింగ్ పారిస్లో జరుగుతోంది. ‘సాహో’ డిజాస్టర్ తర్వాత ఈ సినిమా అయినా ప్రభాస్కు కాస్త ఊరటనిస్తుందో లేదో చూడాలి.
from Telugu Movie News | Movie News in Telugu | Movie Gossips in Telugu https://ift.tt/2B1MVix
v
No comments:
Post a Comment