మెగాస్టార్ చిరంజీవి హీరోగా తెరకెక్కిన భారీ చారిత్రక చిత్రం సైరా నరసింహారెడ్డి. గాంధీ జయంతి కానుకగా ప్రేక్షకుల ముందుకు వచ్చిన ఈ సినిమాకు అన్ని ప్రాంతాల్లోనూ సూపర్ హిట్ టాక్ రావటంతో చిత్రయూనిట్ ఖుషీగా ఉన్నారు. ఇప్పటికే వంద కోట్లకు పైగా వసూళ్లు సాధించి మెగాస్టార్ మార్కెట్ స్టామినాను ప్రూవ్ చేసింది సైరా. మెగాస్టార్ డ్రీమ్ ప్రాజెక్ట్ కావటంతో ఇండస్ట్రీ వర్గాలు కూడా సైరాకు గట్టిగానే మద్ధతు పలుకుతున్నారు. బుధవారం ప్రేక్షకుల ముందుకు వచ్చిన సైరా సినిమాకు ఘనవిజయాన్ని అందించిన ప్రేక్షకులకు కృతజ్ఞతలు తెలిపేందుకు చిత్రయూనిట్ గురువారం సక్సెస్మీట్ ఏర్పాటు చేశారు. ఈ కార్యక్రమంలో సినిమాకు పనిచేసిన నటీనటులు, సాంకేతిక నిపుణులు పాల్గొన్నారు. మెగాస్టార్ చిరంజీవి తన కెరీర్లోనే భారీ చిత్రాన్ని అందించిన ప్రతీ ఒక్కరికీ పేరుపేరునా కృతజ్ఞతలు తెలియజేశారు. Also Read: రామ్చరణ్ కూడా నిర్మాతగా తాన అనుభవాలను మీడియాతో షేర్ చేసుకున్నాడు. అయితే ఈ వేడుకలో తమన్నా మాట్లాడిన మాటలు మాత్రం మీడియాలో వైరల్గా మారాయి. సైరా లాంటి భారీ ప్రాజెక్ట్లో తనకు అవకాశం ఇచ్చిన మెగా పవర్ స్టార్ రామ్చరణ్కు థ్యాంక్స్ చెపుతూ `చరణ్.. నువ్వు కో యాక్టర్గా బెటరా..? ప్రొడ్యూసర్గా బెటరా..? ఏం చెప్పాలి రా?` అంది. మెగా పవర్ స్టార్ను అంత చనువుగా `రా` అనడంతో అక్కడున్న వారంతా షాక్ అయ్యారు. చరణ్, తమన్నాలు గతంలో రచ్చ సినిమా కోసం కలిసి పనిచేశారు. అప్పటి నుంచి వారిద్దరి మధ్య మంచి స్నేహం ఉంది. ఆ చనువుతోనే తమన్నా రా అని పిలిచి ఉంటుందంటున్నారు. మరికొందరు తెలుగు సరిగా రాకపోవటంతో తమన్నా అలా నోరు జారి ఉంటుంది అంటూ కామెంట్ చేస్తున్నారు. తమన్నా ఏ ఉద్దేశంతో పిలిచిన చరణ్ను తమన్నా రా అనటం ఇప్పుడు సోషల్ మీడియాలో వైరల్గా మారింది. Also Read: చిరంజీవి ఉయ్యాలవాడ నరసింహారెడ్డి పాత్రలో నటించిన సైరా నరసింహారెడ్డి సినిమాను కొణిదెల ప్రొడక్షన్ కంపెనీ బ్యానర్పై సురేందర్ రెడ్డి దర్శకత్వంలో రామ్ చరణ్ నిర్మించాడు. మెగాస్టార్ డ్రీమ్ ప్రాజెక్ట్ కావటంతో అమితాబ్ బచ్చన్, సుధీప్, విజయ్ సేతుపతి, జగపతిబాబు, నయనతార, తమన్నా లాంటి టాప్ స్టార్స్ తో ఈ సినిమాను ప్రతిష్టాత్మకంగా రూపొందించారు. అందుకు తగ్గట్టుగా తొలి షో నుంచే సినిమాకు పాజిటివ్ టాక్ రావటంతో చిత్రయూనిట్ సంబరాలు చేసుకుంటున్నారు. చిరు కెరీర్లో బిగెస్ట్ ఓపెనర్గా మాత్రమే కాదు తొలి మల్టీ లాంగ్వేజ్ సినిమాగా విడుదలైన సైరా ముందు ముందు మరిన్ని రికార్డులు తిరగరాయటం ఖాయం అంటున్నారు ఫ్యాన్స్.
from Telugu Movie News | Movie News in Telugu | Movie Gossips in Telugu https://ift.tt/2oO09g4
v
No comments:
Post a Comment