తెర మీద నేను చెండాలంగా ఉన్నా : షారూఖ్‌ ఖాన్‌

బాలీవుడ్ సూపర్‌ స్టార్‌ షారూఖ్‌ ఖాన్‌కు ఈ మధ్య కాలం అస్సలు కలిసి రావటం లేదు. ఇటీవల కాలంలో షారూఖ్‌ హీరోగా నటించిన సినిమాలన్ని బాక్సాఫీస్‌ ముందు బోల్తా పడ్డాయి. ఎన్నో ఆశలతో తెరకెక్కించిన జీరో కూడా నిరాశపరచటంతో షారూఖ్ సినిమాల నుంచి బ్రేక్‌ తీసుకున్నాడు. గత ఏడాది జీరోగా ప్రేక్షకుల ముందుకు వచ్చిన ఈ సూపర్‌ స్టార్ తరువాత మరో సినిమాను ప్రారంభించలేదు. తాజాగా ముంబైలో ఓ ప్రైవేట్‌ ఈవెంట్‌లో పాల్గొన్న తన సినీ జీవితంపై ఆసక్తికర వ్యాఖ్యలు చేశారు. తొలిసారిగా నన్ను నేను తెర మీద చూసుకున్నప్పుడ చెండాలంగా ఉన్నాననిపించింది అంటూ అందరికీ షాక్‌ ఇచ్చాడు షారూఖ్‌. అంతేకాదు ఆ సమయంలో తాను ఇక నటనకు గుడ్‌బై చెప్పాలని కూడా భావించాడట. ఇప్పటికీ తన కెరీర్‌ తొలినాళ్లను గుర్తు చేసుకుంటుంటానని అందుకే నాకు నేను ఎప్పుడు సూపర్‌ స్టార్‌ అన్న ఫీలింగ్‌ రాదని తెలిపాడు. Also Read: `నేను తొలిసారిగా నటించిన సినిమా రషెస్ చూసినప్పుడు నాకు సిగ్గనిపించింది. నేను తెర మీద అస్సలు బాలేను. నా హెయిర్‌ స్టైల్‌ కూడా ఆకట్టుకునేలా లేదు. నానా పటేకర్‌, అమృత సింగ్‌, జూహీ చావ్లా లాంటి స్టార్స్‌ ముందు నా నటన తేలిపోతుంది. అయితే ఆ సమయంలో జూవీ చావ్లా, అజీజ్‌లు ప్రస్తుతం నువ్వు చూసింది నెగెటివ్‌, పాజిటివ్‌ వచ్చాక బెటర్‌గా అనిపిస్తుంది అంటూ నాకు ధైర్యం చెప్పారు` అని గుర్తు చేసుకున్నాడు షారూఖ్‌. `ఓ దిగువ మధ్య తరగతి అనాథ కుర్రాడు గ్లామర్‌ ప్రపంచంలోకి అడుగుపెట్టడం, సినీ నటుడిగా ఎదగటం, ప్రపంచ స్థాయిలో గుర్తింపు తెచ్చుకోవటం లాంటి సంఘటనలు కేవలం కలల్లోనే జరుగుతుంటాయి. నేను ఈ స్థాయికి వస్తానని ఎప్పుడూ ఊహించలేదు. నేను ఇప్పటికీ పోరాడుతూనే ఉన్నాను. కొన్ని సందర్భాల్లో స్టార్‌లా బిహేవ్‌ చేసినా.. చాలా వరకు నన్ను నేను స్టార్‌గా భావించను. కానీ నా ప్రఫెషన్‌ను మాత్రం నేను ప్రేమిస్తాను` అన్నాడు షారూఖ్‌. Also Read: ఫౌజీ, సర్కస్‌ లాంటి టీవీ సీరియల్స్‌లో నటిస్తున్న షారైఖ్‌ 1992లో దీవానా సినిమాలో వెండితెరకు పరిచయం అయ్యాడు. దిల్‌ వాలే దుల్హనియా లేజాయేంగే, దిల్‌ తో పాగల్‌ హై, కల్‌ హోనా హో, కబీ ఖుషీ కబీ గమ్‌ లాంటి సినిమాలో కింగ్‌ ఆప్ రోమాన్స్‌గా పేరు తెచ్చుకున్నాడు షారూఖ్‌. వరుస బ్లాక్‌ బస్టర్‌లతో బాలీవుడ్‌ మార్కెట్ స్టామినాను పెంచి సూపర్‌ స్టార్‌గా, బాద్‌షాగా పేరు తెచ్చుకున్నాడు. సూపర్‌ స్టార్ ఇమేజ్‌ అందుకున్న తరువాత ప్రయోగాల బాట పట్టిన షారూఖ్‌.. చక్‌ దే ఇండియా, రావన్‌, స్వదేశ్‌, రాయిస్‌, ఫ్యాన్ లాంటి ప్రయోగాలు చేశాడు. అయితే ఒకటి రెండు సినిమాలు తప్ప రూట్ మార్చిన తరువాత షారూఖ్‌ చాలా వరకు ఫెయిల్ అయ్యాడు. ప్రస్తుతం ఎక్కువగా నిర్మాణ రంగం మీద దృష్టి పెట్టిన షారూఖ్‌ సినిమాలతో పాటు వెబ్‌ సిరీస్‌లను కూడా నిర్మిస్తున్నాడు. Also Read:

from Telugu Movie News | Movie News in Telugu | Movie Gossips in Telugu https://ift.tt/2p2E5yX
v