టాలీవుడ్ యంగ్ హీరో రానా ఆరోగ్యపరిస్థితిపై వస్తున్న వార్తలకు ఇప్పట్లో తెర పడే అవకాశం కనిపించటం లేదు. రానా ఆరోగ్యం బాగోలేదంటూ చాలా కాలంగా వార్తలు వినిపిస్తున్నాయి. కొంత కాలం రానా కంటి సమస్యతో బాధపడుతున్నాడని, తరువాత కిడ్నీ సమస్యతో ఇబ్బంది పడుతున్నాడని ప్రచారం జరిగింది. ఈ నేపథ్యంలో ఇటీవల ఇండియాకు తిరిగి వస్తున్నట్టుగా ప్రకటించాడు రానా. అయితే మరి కొద్ది గంటల్లో ఇండియాకు రానున్న రానా, హైదరాబాద్కు మాత్రం రావటం లేదట. మరి కొద్ది రోజుల పాటు ముంబైలో విశ్రాంతి తీసుకున్న తరువాత రానా హైదరాబాద్ వస్తాడన్న టాక్ వినిపిస్తోంది. ఈ సమయంలో సురేష్ బాబు సోదరి, నాగచైతన్య తల్లి లక్ష్మీ.. రానాతో పాటు ముంబైలో ఉంటారని తెలుస్తోంది. ఇప్పటికే దగ్గుబాటి ఫ్యామిలీ ముంబైలో రానా ఉండేందుకు ఏర్పాట్లు కూడా చేసిందట. Also Read: గతంలో సురేష్ బాబు, రానా ఆరోగ్యం విషయంలో తగిన జాగ్రత్తలు తీసుకుంటున్నామని పెద్దగా ఆందోళన చెందాల్సిన పనిలేదన్నారు. కానీ అసలు సమస్య ఏంటి అన్న విషయం మాత్రం చెప్పలేదు. కానీ తరువాత రానా భారీగా బరువు తగ్గటంతో అభిమానులు రానా ఆరోగ్య పరిస్థితిపై ఆందోళన వ్యక్తం చేశారు. ఎన్టీఆర్ మహానాయకుడు సినిమా తరువాత రానా లుక్ చూసిన ఫ్యాన్స్ చాలా అనుమానాలు వ్యక్తం చేశారు. అదే సమయంలో రానా ఇండియా వదలి వెళ్లిపోవటం, అడపాదడపా సోషల్ మీడియాలో తప్ప ఎవరికీ కనిపించకపోవటంతో నిజంగానే రానా ఆరోగ్యం బాగోలేదన్న అనుమానాలు బలపడ్డాయి. తాజాగా రానా ట్వీట్ చేసిన ఓ ప్రచార చిత్రం ఈ వార్తలకు మరింత బలం చేకూర్చింది. Also Read: ఇప్పుడు ఇండియా వచ్చిన రానా హైదరాబాద్కు రావటం లేదన్న వార్త తెలియటంతో అసలు విషయం ఏదో దగ్గుబాటి ఫ్యామిలీ దాచిపెడుతుందని భావిస్తున్నారు అభిమానులు. ప్రస్తుతం ఉన్న పరిస్థితుల్లో రానా మీడియా ముందుకు వస్తేగాని ఈ పుకార్లకు తెరపడే అవకాశం లేదు. ఇక సినిమాల విషయానికి వస్తే రానా ప్రస్తుతం బహుభాషా చిత్రంగా తెరకెక్కుతున్న హథీ మేరి సాథీ సినిమాను పూర్తి చేయాల్సి ఉంది. తెలుగులో వేణు ఉడుగుల దర్శకత్వంలో విరాటపర్వం సినిమాను ప్రారంభించాడు. దీంతో పాటు గుణశేఖర్ దర్శకత్వంలో హిరణ్యకశ్వప పేరుతో భారీ పౌరాణిక చిత్రం కూడా సిద్ధమవుతోంది. వీటితో పాటు మరికొన్ని సినిమాలు చర్చల దశలో ఉన్నాయి. రానా పూర్తిగా కోలుకున్న తరువాతే ఈ సినిమా ప్రాజెక్ట్స్ సెట్స్ మీదకు వెళ్లే అవకాశం ఉంది.
from Telugu Movie News | Movie News in Telugu | Movie Gossips in Telugu https://ift.tt/2AMwN4k
v
No comments:
Post a Comment