క్లాసులు ఎగ్గొట్టి హీరో ఇంటి ముందు అమ్మాయిల పడిగాపులు.. చివరకు..

ఇష్టమైన నటీనటుల కోసం అభిమానులు ఎంత దూరం వెళ్లడానికైనా వెనుకాడరు. ఒక్కోసారి వారు చేసే పనులు ఇంట్లోవారితో పాటు పోలీసులను కంగారుపెట్టించే విధంగానూ ఉంటాయి. తాజాగా ఇలాంటి ఘటనే ముంబయిలో చోటుచేసుకుంది. ముంబయికి చెందిన ముగ్గురు అమ్మాయిలు కాలేజ్‌కి వెళుతున్నామని చెప్పి 15 రోజులుగా క్లాసులు ఎగ్గొడుతున్నారు. దాంతో వారి తల్లిదండ్రులకు కాలేజ్ నుంచి ఫోన్ వచ్చింది. పిల్లలు కాలేజ్‌కి కాకుండా ఎక్కడికి వెళుతున్నారా? అని కంగారుపడ్డారు. ఆరాతీయగా.. బాలీవుడ్ నటుడు కార్తిక్ ఆర్యన్‌ను కలవడానికి క్లాసులు డుమ్మా కొడుతున్నారు. కార్తిక్ ఎప్పుడకొస్తాడో ఎప్పటికప్పుడు సమాచారం తెలుసుకుంటూ ఉన్నారట. వీరి విషయం తెలిసి కార్తిక్ వెంటనే కలవడానికి వెళ్లాడు. కార్తిక్ తమ కోసం వస్తాడని ఊహించని ఆ అమ్మాయిలు షాకైపోయారు. ఏం మాట్లాడాలో తెలీక తెగ కంగారుపడిపోయారు. దాంతో కార్తిక్ వారి కోసం మంచి నీళ్లు తెప్పించారు. వారిలో ఒక అమ్మాయైతే ఏకంగా మోకాలి మీద కూర్చుని మరీ కార్తిక్‌కు ప్రపోజ్ చేసింది. కార్తిక్ వారితో కాసేపు ముచ్చటించి సెల్ఫీ కూడా దిగారు. ఆ తర్వాత క్లాసులు బంక్ కొట్టకూడదని, చదువు చాలా ముఖ్యమని వారికి నచ్చజెప్పారు. ఆ తర్వాత వారు తమ ఇళ్లకు వెళ్లిపోయారు. కార్తిక్‌కు దేశవ్యాప్తంగా ఎందరో అభిమానులు ఉన్నారు. కార్తిక్ కూడా తన అభిమానుల పట్ల ఎంతో ప్రేమగా, మర్యాదగా ఉంటాడు. ఇలాంటి ఘటనలు ముంబయిలో జరగడం కొత్తేం కాదు. ఓసారి బాలీవుడ్ సూపర్‌స్టార్ సల్మాన్ ఖాన్‌ను కలవాలని ఓ యువతి ఏకంగా బాంద్రాలోని ఆయన నివాసం వద్దకు వెళ్లిపోయింది. సెక్యూరిటీ గార్డు లోపలికి రానివ్వలేదని గోడ ఎక్కి మరీ లోపలికి వెళ్లబోయింది. సల్మాన్‌ను కలవనివ్వకపోతే చనిపోతానని హంగామా చేసింది. ఆ తర్వాత పోలీసులు రావడంతో పరిస్థితి సర్దుమణిగింది. ఇక విషయానికొస్తే.. 2011లో వచ్చిన ‘ప్యార్ కా పంచనామా’ సినిమాతో కార్తిక్ తన కెరీర్‌ను ప్రారంభించారు. ఆ తర్వాత పలు చిత్రాల్లో నటించినప్పటకీ 2018లో వచ్చిన ‘సోనూ కే టిట్టూ కీ స్వీటీ, 2019లో వచ్చిన ‘లుకా చుప్పి’ సినిమాలు మంచి బ్రేక్ ఇచ్చాయి. ఆ తర్వాత కార్తిక్‌ను వరుస అవకాశాలు వరిస్తున్నాయి. ప్రస్తుతం కార్తిక్.. ‘పతి పత్నీ ఔర్ వో’, ‘లవ్ ఆజ్ కల్ 2’ సినిమాలతో పాటు ‘భూల్ భులయ్యా’ సినిమాల్లోనూ నటిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2lxFlYW
v