క్రీడా నేపథ్యానికి చెందిన మరో ఆసక్తికరమైన బయోపిక్ బాలీవుడ్ నుంచి రాబోతోంది. ఉత్తర్ప్రదేశ్కు చెందిన ఇద్దరు షార్ప్ మహిళా షూటర్లు చంద్రో, ప్రకాశీ తోమర్ల జీవితాధారంగా సినిమాను తుషార్ హీరానందని తెరకెక్కించారు. ఈ చిత్రానికి ‘సాండ్ కీ ఆంఖ్’ అనే టైటిల్ను ఖరారు చేశారు. ఇందులో చంద్రో తోమర్ పాత్రలో , ప్రకాశి తోమర్ పాత్రలో భూమి పెడ్నేకర్ నటించారు. తాజాగా సినిమాకు సంబంధించిన ట్రైలర్ను చిత్రబృందం విడుదల చేసింది. ఉత్తర్ప్రదేశ్లోని జోహ్రి అనే గ్రామానికి చెందిన చంద్రో తోమర్, ప్రకాశీ తోమర్ అనే ఇద్దరు అక్కాచెల్లెళ్లు ఉండేవారు. చిన్న వయసులోనే పెళ్లిళ్లు చేసేయడంతో కుటుంబం కోసమే తమ జీవితాన్ని వెచ్చించారు. తమలా తమ కుమార్తెల జీవితాలు కాకూడదని భావించి 50 ఏళ్ల వయసులో తుపాకీ చేతపడతారు. వారి చదువులను అడ్డుకోవాలని చూసేవాళ్లని తుపాకీలతో బెదిరించేవారు. ఈ నేపథ్యంలో తుపాకీతో టార్గెట్ మిస్సవకుండా దేన్నైనా కొట్టగలిగే సామర్ధ్యం తమలో ఉందని వారికి తెలుస్తుంది. అలా వారు జాతీయ స్థాయిలో జరిగిన రైఫిల్ షూటింగ్లో పాల్గొన్నారు. ఇద్దరూ దాదాపు 300లకు పైగా పతకాలు సాధించారు. వారి జీవితాధారంగా తెరకెక్కిన చిత్రమే ‘సాండ్ కీ ఆంఖ్’. ఈ మహిళా షూటర్లకు యూపీలో ‘షూటర్ దాదీస్’గా మంచి పేరుంది. ఈ షూటర్ దాదీస్ గురించి తెలుసుకోవడానికి తాప్సి, భూమి వారి స్వస్థలమైన బాగ్పట్ జిల్లాకు కూడా వెళ్లారు. కొన్ని రోజులు వారి ఇంట్లోనే ఉండి ఆసక్తికరమైన విషయాలను తెలుసుకున్నారు. అవన్నీ సినిమాకు ఉపయోగపడ్డాయని తాప్సి, భూమి తెలిపారు. సినిమా చిత్రీకరణ మొత్తం బాగ్పట్లోనే జరిగింది. దీపావళి సందర్భంగా సినిమాను ప్రేక్షకుల ముందుకు తీసుకురానున్నారు. ఈ సినిమాను తీయడానికి దర్శకుడు తుషార్ ఎందరో నటీమణులను సంప్రదించారు. కానీ 60 ఏళ్ల బామ్మ పాత్రలో నటించడానికి ఎవ్వరూ ఒప్పుకోలేదు. దాంతో మేం చేస్తామంటూ తాప్సి, భూమి ధైర్యం చేశారు. కమర్షియల్ హీరోయిన్స్ ఎంచుకునే పాత్రలకు దూరంగా ఉంటారు తాప్సి. ఆమె బాలీవుడ్ కెరీర్ మొదలైప్పటి నుంచి విభిన్నమైన సినిమాలనే ప్రయత్నిస్తున్నారు. భూమి పెడ్నేకర్ కూడా గ్లామర్ పాత్రల కోసం ఎదురుచూసే టైప్ కాదు. మహిళల గొప్పతనాన్ని వెండితెరపై చూపించి వారిని గర్వపడేలా చేసే ఏ పాత్రలోనైనా నటిస్తానని చాలాసార్లు భూమి తెలిపారు.
from Telugu Movie News | Movie News in Telugu | Movie Gossips in Telugu https://ift.tt/34Z0nBP
v
No comments:
Post a Comment