కెరీర్కు ‘ఆగడు’ సినిమా షాకిచ్చింది. ప్రముఖ దర్శకుడు శ్రీను వైట్ల దర్శకత్వం వహించిన ఈ సినిమాలో మహేశ్, తమన్నా జంటగా నటించారు. అయితే సినిమాకు ఎంతటి హైప్ వచ్చిందో అంతకంటే తక్కువ కలెక్షన్లు వచ్చాయి. దీని కంటే ముందు శ్రీను వైట్ల, మహేశ్ బాబు కాంబినేషన్లో వచ్చిన ‘దూకుడు’ సినిమా బ్లాక్ బస్టర్ విజయం అందుకుంది. మహేశ్ కెరీర్లో ఈ సినిమా మైలురాయిలా నిలిచింది. అయితే దూకుడు సినిమా ఆడింది కదా అని.. కాన్సెప్ట్లో కాస్త అటూ ఇటూ మార్పులు చేసి ఆగడు తీశారు శ్రీను వైట్ల. దూకుడుతో హిట్ ఇచ్చాడు కదా.. ఆగడుతో కూడా అంతకంటే డబుల్ హిట్ ఇస్తాడని నమ్మారు మహేశ్ బాబు. అలా సినిమాలు పట్టాలెక్కి.. ట్రాక్ తప్పింది. బాక్సాఫీస్ వద్ద సినిమా డిజాస్టర్ అయింది. ఆగడు సినిమా విడుదలై నేటికి ఐదేళ్లు కావొస్తోంది. ఈ సందర్భంగా సినిమాకు నిర్మాతగా వ్యవహరించిన అనిల్ సుంకర సినిమా గురించి ట్వీట్ చేశారు. ఆగడు సినిమాకు బ్యాడ్ రివ్యూలు వచ్చినప్పటికీ ఓవర్సీస్ బయ్యర్స్కు మంచి లాభాలను తెచ్చిపెట్టిందని తెలిపారు. ప్రీమియర్స్లోనే ఐదు లక్షలకు పైగా వసూళ్లు రాబట్టిన తొలి తెలుగు చిత్రమని అన్నారు. ‘ఇప్పుడు కానీ ఆగడు హైప్తో దూకుడు కంటెంట్తో కూడిన సినిమా ఉంటే.. మీరేమంటారు సూపర్ ఫ్యాన్స్’ అని సుంకర పేర్కొన్నారు. అయితే ఇక్కడ దూకుడు కంటెంట్ అంటే దూకుడు సినిమా కాన్సెప్ట్ అని కాదు... బ్లాక్ బస్టర్ కంటెంట్ అని అర్థం. మొత్తానికి ఈ రెండిటి కాంబినేషన్లో ఓ సినిమా వస్తే బాగుంటుందని దర్శకుల్లో ఓ ఆలోచనను రేకెత్తేలా చేశారు సుంకర. బహుశా ఇలాంటి సినిమాతో మళ్లీ ఏ దర్శకుడైనా వస్తే తానే సినిమాను నిర్మించాలని అనుకుంటున్నారేమో. కానీ మహేశ్ బాబు ఆగడు తర్వాత ఆచి తూచి అడుగులు వేస్తున్నారు. ప్రేక్షకులకు ఒక కథ నచ్చితే దానిని ఇతర వేరియేషన్లలో తీసినా వారికి రుచించదని తెలుసుకున్నారు. అందుకే పూర్తిగా అటు కమర్షియల్ కాకుండా ఇటు మెసేజ్ ఓరియెంటెడ్ కాకుండా మీడియం జోనర్లను ఎంచుకుంటున్నారు. అందుకే ఆయనకు ‘భరత్ అనే నేను’, ‘మహర్షి’ సినిమాల ద్వారా విజయాలు అందాయి. ఇప్పుడు ‘సరిలేరు నీకెవ్వరు’ సినిమాతో బిజీగా ఉన్నారు మహేశ్. అనిల్ రావిపూడి దర్శకత్వం వహిస్తున్న ఈ సినిమాలో రష్మిక మందన కథానాయికగా నటిస్తున్నారు. ప్రకాశ్ రాజ్, విజయశాంతి కీలక పాత్రలు పోషిస్తున్నారు. ఇందులో మహేశ్ ఆర్మీ మేజర్ అజయ్ కృష్ణ పాత్రను పోషిస్తున్నారు. వచ్చే ఏడాది సంక్రాంతికి సినిమా ప్రేక్షకుల ముందుకు రానుంది.
from Telugu Movie News | Movie News in Telugu | Movie Gossips in Telugu https://ift.tt/2O975Pr
v
No comments:
Post a Comment