బాహుబలి సినిమాతో వరల్డ్ వైడ్గా గుర్తింపు తెచ్చుకున్న ప్రభాస్ని నార్త్ ఇండియాలో చాలామంది బాహుబలి అని పిలుస్తారు. కానీ సాహో సినిమాతో తన పేరునే నార్త్ ఇండియాలో ఒక బ్రాండ్ మార్క్గా మార్చుకోవాలి అనుకున్నాడు. అందుకే సాహో సినిమాకి ఎక్కడ కాంప్రమైజ్ కాకుండా ఖర్చుపెడితే, ప్రభాస్ కూడా అడిగినన్ని రోజులు కాల్ షీట్స్ ఇచ్చి, ఒకటికి రెండు సార్లు రీ షూట్స్ చేసి సాహో కోసం రెండేళ్లు కష్టపడ్డాడు. కానీ ఆ సినిమా మాత్రం సినిమా టీమ్ అంచనాలకు దరిదాపుల్లో ఉండే రిజల్ట్ కూడా సాధించలేకపోయింది. దాంతో ఈ సినిమా కొనుకున్న డిస్ట్రిబ్యూటర్స్ నష్టపోయారు. నిర్మాతలు షాక్ అయ్యారు. డైరెక్టర్ మూగబోయాడు. ఇక ఈ సినిమాని అందరికంటే ఎక్కువగా నమ్మిన ప్రభాస్ కూడా చాలా డిసప్పాయింట్ అయ్యాడు. Also Read: సాహో సినిమా రిలీజ్ అయిన తరువాత ఈ సినిమా చూడమని చెప్పడానికి ఫార్మాలిటీ కోసం కూడా మీడియా ముందుకు రాలేదు. నిజానికి ఇలా ఒక ఊహించని అపజయం వచ్చినప్పుడు వేరే ఎవరయినా అయితే చేతిలో ఉన్న ఇంకో ప్రాజెక్ట్ స్టార్ట్ చేసి, వీలైనంత త్వరగా రిలీజ్ చేసి మళ్ళీ హిట్ కొట్టాలని చూస్తారు. అయితే ప్రభాస్ మాత్రం అలా ఆలోచించలేదు. సాహో ఫెయిల్ అవ్వడానికి కారణాలు విశ్లేషించుకున్నాడు. ఈసారి అలాంటి తప్పు మళ్ళీ జరగకుండా ఉండేలా ఇప్పటివరకు షూట్ చేసిన జాను (వర్కింగ్ టైటిల్) ఫుటేజ్ అంతా చూసుకుని తెలుగు, హిందీ వెర్షన్స్ మళ్ళీ సెపరేట్గా షూట్ చెయ్యడానికి రెడీ అయ్యాడు. అయితే స్క్రిప్ట్ లో కూడా మార్పులు అవసరం అని భావించిన ప్రభాస్ కాంప్రమైజ్ కాకుండా అవసరమయితే సినిమాని మళ్ళీ మొదటినుండి షూట్ చెయ్యడానికి కూడా ఓకే అన్నాడట. Also Read: దీంతో జాను స్క్రిప్ట్కి ప్రభాస్ చెప్పిన మార్పులు, చేర్పులు చేసి ఫుల్ బౌండెడ్ స్క్రిప్ట్ రెడీ చేసే పనిలో ఉన్నారు ఆ సినిమా టీమ్. యూవీ నిర్మాతలు సాహోకి సంబందించిన లావాదేవీలు సెట్ చేసుకుని, జానుకి ప్రిపేర్ అవుతున్నారు. ఆ సినిమాలో హీరోయిన్ పూజాహెగ్డే షూటింగ్ వాయిదా పడడంతో ఇప్పుడు ఆ డేట్స్ని అఖిల్ నాలుగో సినిమాకోసం కేటాయించింది. అయితే ప్రభాస్ మాత్రం మానసికంగా కూడా నెక్స్ట్ సినిమా కోసం ప్రిపేర్ అయ్యేందుకు హాలిడేకి వెళ్ళాడు. పారిస్ వెళ్ళి కొన్ని రోజులు విశ్రాంతి తీసుకుని సాహో ఆలోచనలనుండి బయటపడి, జాను సినిమా మాత్రమే మైండ్ లో పెట్టుకుని వస్తాడన్నమాట. ఈసారి మాత్రం హిట్ కొట్టి తీరాలి అన్న కసితో ఉన్న ప్రభాస్కి జాను మాత్రం అనుకున్న విజయం అందించాలని, అతను పాన్ ఇండియా హీరోగా సెటిల్ అవ్వాలని కోరుకుందాం.
from Telugu Movie News | Movie News in Telugu | Movie Gossips in Telugu https://ift.tt/2mbCHrD
v
No comments:
Post a Comment