దళపతి విజయ్ హీరోగా శంకర్ దర్శకత్వంలో వచ్చిన ‘స్నేహితుడు’ సినిమాలో గోవా బ్యూటీ తన బెల్లీ డ్యాన్స్ను రుచి చూపించింది. ‘ఇలియానా చిట్టి బెల్లియానా’ అంటూ తన నడుము అందాలతో వెండితెరను షేక్ చేసింది. చాలారోజుల తరవాత మళ్లీ ఆ స్థాయిలో కాకపోయినా తన ‘ఇల్లీ’ డ్యాన్స్తో అభిమానులను అబ్బురపరిచింది ఈ ముద్దుగుమ్మ. ఈ మేరకు ఇన్స్టాగ్రామ్లో ఒక చిన్న వీడియోను ఇలియానా పోస్ట్ చేసింది. ఈ వీడియోలో ఒక బెల్లీ మూమెంట్తో ఇలియానా అందంగా తన నడుమును ఆడించింది. Also Read: ‘దేవదాసు’ సినిమాతో తెలుగు ప్రేక్షకులకు పరిచయమైన ఇలియానా తొలి చిత్రంతోనే మంచి మార్కులు కొట్టేసింది. మెరుపుతీగలాంటి నడుముతో కుర్రకారు గుండెల్ని కొల్లగొట్టింది. రెండో సినిమానే మహేష్ బాబు లాంటి స్టార్ హీరోతో చేసింది. ‘పోకిరి’తో ఇలియానా ఫేట్ మారిపోయింది. స్టార్ హీరోయిన్ హోదా కొట్టేసింది. ‘ఖతర్నాక్’, ‘రాఖీ’, ‘మున్నా’, ‘జల్సా’, ‘కిక్’ ఇలా వరసపెట్టి స్టార్ హీరోలందరితో నటించేసింది. అయితే, వరుసగా ‘రెచ్చిపో’, ‘సలీమ్’, ‘శక్తి’, ‘నేను నా రాక్షసి’ వంటి ప్లాపులు రావడంతో వెనకబడింది. ‘జులాయి’తో లేచే ప్రయత్నం చేసినా కుదరలేదు. Also Read: ‘దేవుడు చేసిన మనుషులు’ సినిమా తర్వాత ఇక ఈ గోవా బ్యూటీ ముంబై చెక్కేసింది. ‘బర్ఫీ’తో ఆకట్టుకుంది. ఆ తరవాత వరుసగా బాలీవుడ్ సినిమాలు చేసింది. మళ్లీ ‘అమర్ అక్బర్ ఆంటొని’ సినిమాతో తెలుగులో రెండో ఇన్నింగ్స్ ప్రారంభించింది. అయితే, ఈ సినిమాలో ఇలియానా బాగా లావెక్కిందనే విమర్శ వచ్చింది. కానీ, ఇప్పుడు మాత్రం ఆమె బాగా సన్నబడింది. మళ్లీ తన పాత ఫిజిక్ను తీసుకొచ్చింది. ఇప్పటికే ఇన్స్టాగ్రామ్లో హాట్ హాట్ ఫొటోలు పెడుతూ అభిమానులను ఉర్రూతలూగిస్తోంది. ఇప్పుడు ఈ బెల్లీ డ్యాన్స్ వీడియోతో ఇన్స్టాగ్రామ్ను షేక్ చేస్తోంది.
from Telugu Movie News | Movie News in Telugu | Movie Gossips in Telugu https://ift.tt/2kTntaP
v
No comments:
Post a Comment