నీకంటే బాగా అర్థమైంది పిల్లా.. సమంత ‘సైరా’ పంచ్!

అక్కినేని వారి కోడలు సమంతకు నటించడమే కాదు సందర్భానుసారంగా పంచ్‌లు వేయడం కూడా బాగా తెలుసు. సోషల్ మీడియాలో తనపై వెటకారంగా కామెంట్లు చేసేవారికి అస్సలు ఆలస్యం కాకుండా రివర్స్ పంచ్‌లు విసిరేస్తున్నారు . తాజాగా ఇలాంటి ‘సైరా’ పంచ్ ఒకటి ట్విట్టర్‌లో విసిరారు. మెగాస్టార్ చిరంజీవి హీరోగా నటించిన ప్రతిష్టాత్మక చిత్రం ‘సైరా నరసింహారెడ్డి’ ట్రైలర్ బుధవారం విడుదలైన సంగతి తెలిసిందే. విజువల్ వండర్‌లా ఉన్న ఈ ట్రైలర్‌పై అంతా ప్రశంసల వర్షం కురిపించారు. ‘సైరా’ ట్రైలర్ చూసిన సమంత కూడా అద్భుతమంటూ ట్వీట్ చేశారు. ప్రతి ఫ్రేమ్‌లో కష్టం, పనితనం కనిపిస్తున్నాయని ప్రశంసించారు. అయితే, సమంత చేసిన ట్వీట్‌కు ‘సుమ్ము’ అనే పేరుతో ఉన్న అకౌంట్ నుంచి ఒక కామెంట్ వచ్చింది. ‘‘దీనికి ఏం అర్థమైంది అసలు’’ అని కామెంట్ పెట్టారు. దీంతో సమంతకు కాలింది. కానీ, అవతల వాళ్లు నొచ్చుకోకుండా చాలా సున్నితంగా పంచ్ విసిరారు సమంత. ‘‘నీకంటే బాగా అర్థమైంది పిల్లా’’ అని సమంత రిప్లై ఇచ్చారు. అయితే, ఈ రిప్లైకు రకరకాల కామెంట్లు వస్తున్నాయి. ఆ అకౌంట్‌కు ప్రొఫైల్ ఫొటో సమంతదే ఉంది. కానీ, అదొక అబ్బాయి అకౌంట్ అని కింద చాలా మంది కామెంట్లు పెడుతున్నారు. అంతేకాకుండా, కొంత మంది సమంతను ఆడిపోసుకుంటున్నారు. ట్రోల్ చేసేవాళ్లకు సమంత రిప్లై ఇస్తున్నారు కానీ.. మాలాంటి ఫ్యాన్స్‌ని, పొగిడే వారిని ఆమె పట్టించుకోవడం లేదని ఆగ్రహం వ్యక్తం చేస్తున్నారు. అమ్మాయి కాబట్టి కామెంట్ చేసి వదిలేశారు కానీ.. అదే అబ్బాయి అలా అనుంటే ఊరుకునేవారా? అని కొంత మంది ప్రశ్నిస్తున్నారు. మొత్తానికి ‘సైరా’ ట్రైలర్ సమంత ట్విట్టర్ అకౌంట్‌లో చర్చకు దారితీసింది. Also Read:

from Telugu Movie News | Movie News in Telugu | Movie Gossips in Telugu https://ift.tt/2I8iknB
v