సైరా శాటిలైట్ రైట్స్ హక్కులు మరీ అంత తక్కువా...?

బాహుబలి-2 చూసి అలాంటి సినిమానే తన తండ్రితో తియ్యాలి అనుకుని మొదలుపెట్టిన సినిమా సైరా. ఒక స్వాతంత్య్రసమరయోధుడి కథతో సినిమా తియ్యడం ఇంకా సూపర్ అనిపించే విషయం. అందుకే ఆ సినిమాకి నటీనటులనుండి లొకేషన్స్ వరకు, టెక్నీషియన్స్ నుండి సెట్టింగ్స్ వరకు ఎక్కడా కాంప్రమైజ్ కాలేదు. ఒక్క క్లయిమాక్స్ వరకే సైరాకి ఏకంగా 75 కోట్లు ఖర్చయింది అని మెగాస్టార్ చిరంజీవి స్వయంగా ప్రీ రిలీజ్ ఈవెంట్‌లో చెప్పారు. మరి అంత భారీతనంతో తెరకెక్కిన ఆ సినిమా శాటిలైట్ రైట్స్ విషయంలో మాత్రం ఎందుకో అనుకున్న రేటు రాలేదు అని టాక్. Also Read: గతంలో సైరా శాటిలైట్ రైట్స్‌ని జీ నెట్ వర్క్ 125 కోట్లకు తీసుకుంది అని వార్తలు వచ్చాయి. దీంతో రజిని కాంత్ 2.0 రికార్డ్ కూడా బ్రేక్ అయ్యింది అని టాక్ నడించింది. నిజానికి సైరా శాటిలైట్ రైట్స్ అన్ని భాషలు కలిపి ఒకే ఛానెల్‌కి ఇవ్వాలి అనేది చరణ్ ఆలోచన. అలా చేస్తే చరణ్ ఆశించినట్టుగానే 100 కోట్లు శాటిలైట్ హక్కుల రూపంలోనే దక్కేవి. కానీ మ్యాటర్ ఎక్కడో తేడా కొట్టింది. దాంతో ఈ సినిమా శాటిలైట్ హక్కులు ఇక్కడ సన్ నెట్ వర్క్ దక్కించుకుంది. కానీ ఆ హక్కులకు చెల్లించిన మొత్తం చూస్తే మాత్రం షాక్ అవ్వాల్సిందే. కేవలం 25 కోట్లకు తెలుగుతోపాటు తమిళ్,మలయాళం, కన్నడ హక్కులు కూడా ఇచ్చేసారు అనేది లేటెస్ట్ ఇన్ఫర్మేషన్. Also Read: 250 కోట్ల బడ్జెట్‌తో తెరకెక్కించిన సినిమాకి అంత తక్కువ అమౌంట్ కోట్ చెయ్యడం ఏంటి అనేది అర్ధం కాని విషయం. ఇప్పుడు సైరాని ప్రొడ్యూస్ చేసిన కొణిదెల ప్రొడక్షన్ కంపెనీ చేతిలో ఒక్క హిందీ శాటిలైట్ రైట్స్ మాత్రమే ఉన్నాయి. వాటికి పాతిక నుండి 30 కోట్ల వరకు వస్తుంది. కేవలం డిజిటల్ రైట్స్‌తోనే నలభై కోట్లు సంపాదించుకున్న సైరా శాటిలైట్ రైట్స్ పరంగా 100 కోట్లు ఎక్స్పెక్ట్ చేసారు. కానీ ఇప్పుడు అది కూడా కేవలం 50 కోట్ల రేంజ్‌లోనే వచ్చాయి. అయితే సైరా విజయం పై ధీమాగా ఉన్న టీమ్ మాత్రం థియేటర్స్ నుండే ఎక్కువ ఆశిస్తుంది. రిలీజ్‌కి ముందే 100 కోట్లవరకు సేఫ్‌లో ఉండేలా సినిమాని డిస్ట్రిబ్యూట్ చేస్తున్నారు. ఖైదీ నెంబర్ 150 సృష్టించిన వసూళ్ల ప్రభంజనం సైరాకి కొన్ని రెట్లు పెరుగుతుంది అని నమ్మకంగా ఉన్నారు సినిమా కొనుక్కుంటున్న వాళ్ళు. మరి మెగాస్టార్ ఆ నమ్మకాన్ని ఎంతవరకు నిజం చేస్తాడో, సైరా ఎలాంటి చరిత్ర సృష్టిస్తుంది అనేది అక్టోబర్ 2న తేలుతుంది.

from Telugu Movie News | Movie News in Telugu | Movie Gossips in Telugu https://ift.tt/2mDZ6OG
v