‘ఎఫ్2’తో ఫుల్ ఫామ్లోకి వచ్చిన విక్టరీ వెంకటేష్.. ఇప్పుడు ‘వెంకీ మామ’గా వస్తున్నారు. రియల్ లైఫ్లో మామా అల్లుళ్లు అయిన వెంకటేశ్, అక్కినేని నాగచైతన్య ఇప్పుడు రీల్ లైఫ్లోనూ అవే పాత్రల్లో కనిపించబోతున్న విషయం తెలిసిందే. వీరిద్దరి కాంబినేషన్లో రూపొందుతోన్న మల్టీస్టారర్ మూవీ ‘వెంకీ మామ’. రాశీఖన్నా, పాయల్ రాజ్పుత్ హీరోయిన్లుగా నటిస్తోన్న ఈ చిత్రానికి కె.ఎస్.రవీంద్ర (బాబీ) దర్శకత్వం వహిస్తున్నారు. సురేష్ ప్రొడక్షన్స్, పీపుల్ మీడియా ఫ్యాక్టరీ సంయుక్తంగా ఈ చిత్రాన్ని నిర్మిస్తున్నాయి. సురేష్ బాబు, టి.జి. విశ్వప్రసాద్ నిర్మాతలు. అనూప్ రూబెన్స్ సంగీతం సమకూరుస్తోన్న ఈ సినిమా షూటింగ్ శరవేగంగా జరుగుతోంది. Also Read: ఇదిలా ఉంటే, వినాయక చవితి పండుగ సందర్భంగా మామాఅల్లుళ్లు వెంకటేష్, నాగచైతన్య కలిసి ఉన్న పోస్టర్ను చిత్ర యూనిట్ విడుదల చేసింది. ఈ పోస్టర్ ద్వారా ప్రేక్షకాభిమానులను వినాయక చవితి శుభాకాంక్షలు తెలిపింది. ఈ పోస్టర్లో వెంకీ, చైతు లుక్ అదిరిపోయింది. ఇద్దరూ పంచెకట్టులో ఇరగదీశారు. నాగచైతన్య తాతయ్య అక్కినేని నాగేశ్వరరావును గుర్తుచేశారు. ఇక విక్టరీ వెంకటేష్ ఏ లుక్లో అయినా అద్భుతహే కదా..! గ్రామీణ నేపథ్యంలో తెరకెక్కుతున్న ఈ చిత్రంలో వెంకటేష్ రైస్ మిల్ ఓనర్గా, నాగచైతన్య ఆర్మీ ఆఫీసర్గా నటిస్తున్నట్లు తెలుస్తోంది. నాగచైతన్యకు జోడీగా రాశీ ఖన్నా.. వెంకటేష్ సరసన పాయల్ రాజ్పుత్ హీరోయిన్లుగా నటిస్తున్నట్లు సమాచారం. ఈ మధ్య సెట్స్లో వెంకటేష్తో కలిసి రాశీ ఖన్నా తీసుకున్న ఫొటో ఒకటి బాగా వైరల్ అయ్యింది. ‘ఫ్యాన్ గర్ల్’ అంటూ ట్యాగ్ పెట్టి మరీ ఈ ఫొటోను రాశీ ఖన్నా ట్వీట్ చేసింది.
from Telugu Movie News | Movie News in Telugu | Movie Gossips in Telugu https://ift.tt/2Pze1I4
v
No comments:
Post a Comment