మెగా ఫ్యామిలీలో ఆజానుబాహుడు.. అభిమానులతో మెగా ప్రిన్స్ అని పిలిపించుకుంటోన్న ఆరడుగుల అందగాడు . తాజాగా ‘గద్దలకొండ గణేష్’ సినిమాతో ప్రేక్షకుల ముందుకు వచ్చారు. ఈ సినిమాలో ఆయన తన నటవిశ్వరూపంతో భయపెట్టేశారు. కానీ, బయట మాత్రం వరుణ్ చాలా మృదుస్వభావి. చాలా కామ్గా ఉంటారు. పెద్దగా ఎవ్వరితోనూ మాట్లాడరు. అలాంటి వ్యక్తి నుంచి మంచు లక్ష్మి చాలా విషయాలు రాబట్టారు. మంచు లక్ష్మి హోస్ట్ చేస్తోన్న తెలుగు రియాలిటీ షో ‘ఫీట్ అప్ విత్ ద స్టార్స్’లో వరుణ్ తేజ్ పాల్గొన్నారు. ఎన్నో వ్యక్తిగత విషయాలను పంచుకున్నారు. మంచు లక్ష్మి అడిగిన చాలా ప్రశ్నలకు సమాధానాలు చెప్పారు. మొత్తానికి ఇప్పటి వరకు బయటికి తెలియని చాలా విషయాలను వరుణ్ నుంచి మంచు లక్ష్మి రాబట్టారు. వీటిలో యువతకు బాగా నచ్చే అంశాలే ఎక్కువగా ఉన్నాయి. అవే.. అమ్మాయిలు, డేటింగ్లు, ఎంజాయ్మెంటు వగైరా..! నీ తొలిముద్దు ఎప్పుడు పెట్టావు? అని వరుణ్ను మంచు లక్ష్మి అడిగారు. దీనికి వరుణ్ స్పందిస్తూ.. ‘పదో తరగతిలో పెట్టా. బెటర్ కదా మరీ చిన్న పిల్లాడిని కాదు కదా. 14 ఏళ్లు అప్పుడు నాకు. జస్ట్ టచ్ చేశాను అంతే. ఇప్పుడు చేసి చూపించలేను. చెప్పగలనంతే. అదో బ్యాడ్ మెమొరీ’ అని నవ్వుతూ చెప్పారు. అలాగే, మరో విచిత్రమైన ప్రశ్నను వరుణ్కు మంచు లక్ష్మి సంధించారు. ‘‘సాయి పల్లవి, రాశీ ఖన్నా, పూజా హెగ్డేలలో నువ్వు ఎవరిని పెళ్లి చేసుకుంటావ్, ఎవరిని చంపేస్తావ్, ఎవరితో రిలేషన్షిప్ పెట్టుకుంటావ్?’’ అని మంచు లక్ష్మి అడిగారు. సాయి పల్లవిని పెళ్లిచేసుకుంటా అని వరుణ్ టక్కున సమాధానం చెప్పారు. ఎందుకు అని అడిగితే ఒకమ్మాయిని పెళ్లిచేసుకోవడానికి కావాల్సిన అన్న లక్షణాలు ఆమెలో ఉన్నాయని చెప్పారు. అయితే, పూజా హెగ్డేతో తాను సంబంధం పెట్టుకుంటానని, రాశీ ఖన్నాను చంపేస్తానని సరదాగా చెప్పారు. దీంతో ఈ విషయం రాశీ ఖన్నాకు చెబుతానని మంచు లక్ష్మి బెదిరించారు. ‘నువ్వు చెప్పేదేమిటి నేనే చెప్పేస్తా’ అని వరుణ్ నవ్వుతూ అన్నారు. ఈ విషయాలతో పాటు తన కెరీర్, ఫ్యామిలీకి సంబంధించిన విషయాలను కూడా వరుణ్ తేజ్ ఈ షోలో పంచుకున్నారు. సినిమాల విషయంలో రామ్ చరణ్, బన్నీ, తేజూలతో కలిసి తాను డిస్కస్ చేస్తూ ఉంటానని.. ఒక కథ మాలో ఎవరికి సరిపోతుందనే విషయంపై కూడా చర్చిస్తామని వరుణ్ చెప్పారు. అలాగే.. నితిన్, అఖిల్తో కూడా ఇలాంటి డిస్కషన్ చేస్తూ ఉంటానని అన్నారు.
from Telugu Movie News | Movie News in Telugu | Movie Gossips in Telugu https://ift.tt/2kOMNPf
v
No comments:
Post a Comment