బాలీవుడ్ బ్యూటీ కియారా అద్వానీ పుట్టినరోజు వేడుకలో మెగా పవర్ స్టార్ సందడి చేశారు. వీరిద్దరూ కలిసి ‘వినయ విధేయ రామ’ చిత్రంలో నటించిన సంగతి తెలిసిందే. ‘సైరా’ సినిమా పనిలో భాగంగా ముంబై వెళ్లిన రామ్ చరణ్.. గురువారం రాత్రి కియారా పుట్టినరోజు వేడుకలో పాల్గొన్నారు. ఇద్దరూ బ్లాక్ దుస్తుల్లో దర్శనమిచ్చారు. ముఖ్యంగా రామ్ చరణ్ లుక్ అదిరిపోయింది. ప్రస్తుతం ఆయన రాజమౌళి ‘‘RRR’’లో నటిస్తున్న సంగతి తెలిసిందే. ఈ సినిమాలో ఆయన అల్లూరి సీతారామరాజుగా నటిస్తున్నారు. దీంతో కియారా బర్త్డే పార్టీలో పాల్గొన్న చరణ్ లుక్ వైరల్గా మారింది. చిరంజీవి హీరోగా నటిస్తోన్న ‘సైరా నరసింహారెడ్డి’ సినిమా ప్రస్తుతం ముంబైలో గ్రాఫిక్స్ వర్క్స్ జరుపుకుంటున్నట్టు తెలిసింది. ఈ సినిమాకు నిర్మాతగా వ్యవహరిస్తోన్న రామ్ చరణ్ ఆ పనిలో భాగంగా ముంబై వెళ్లారట. ఆయన్ని కియారా ఆహ్వానించడంతో గురువారం రాత్రి పార్టీలో పాల్గొన్నారు. అనంతరం శుక్రవారం ఉదయం ఆయన హైదరాబాద్కు తిరిగి వచ్చేశారు. ముంబై ఎయిర్పోర్టులో ఆయన కారు దిగి లోపలకు వెళ్తోన్న ఫొటోలు కూడా సోషల్ మీడియాలో చక్కర్లు కొడుతున్నాయి. రామరాజు లుక్లో చరణ్ను చూసి మెగా ఫ్యాన్స్ సంబరపడిపోతున్నారు. ఇదిలా ఉంటే, రామ్ చరణ్ నిర్మిస్తోన్న ‘సైరా’ చిత్రం అక్టోబర్ 2న ప్రేక్షకుల ముందుకు వచ్చేందుకు సిద్ధమవుతోంది. సురేందర్ రెడ్డి దర్శకత్వం వహించిన ఈ చిత్రంలో అమితాబ్ బచ్చన్, కిచ్చా సుదీప్, విజయ్ సేతుపతి, జగపతిబాబు, నయనతార, తమన్నా వంటి స్టార్లు నటించారు. బాలీవుడ్ సంగీత దర్శకుడు అమిత్ త్రివేది మ్యూజిక్ సమకూరుస్తున్నారు. రత్నవేలు సినిమాటోగ్రఫీ అందించారు. శ్రీకర్ ప్రసాద్ ఎడిటర్. సాయిమాధవ్ బుర్రా డైలాగులు రాశారు. మరోవైపు, రామ్ చరణ్-ఎన్టీఆర్ హీరోలుగా నటిస్తోన్న ‘‘RRR’’ ప్రస్తుతం హైదరాబాద్లో షూటింగ్ జరుపుకుంటోంది. త్వరలోనే తమిళనాడులో కొత్త షెడ్యూల్ ప్రారంభమవుతుంది.
from Telugu Movie News | Movie News in Telugu | Movie Gossips in Telugu https://ift.tt/2LTUv6B
v
No comments:
Post a Comment