ప్రముఖ నటుడు, దర్శకుడు కన్నుమూశారు. గతకొంత కాలంగా అనారోగ్యంతో బాధపడుతోన్న కనకాల హైదరాబాద్లోని కిమ్స్ ఆస్పత్రిలో చికిత్స పొందుతూ శుక్రవారం సాయంత్రం తుదిశ్వాస విడిచారు. ప్రస్తుతం ఆయన వయసు 74 సంవత్సరాలు. దేవదాస్ కనకాల 1945 జూలై 30న యానాం శివారులోని కనకాలపేటలో జన్మించారు. తెలుగు చిత్రసీమలోకి అడుగుపెట్టిన ఆయన సినిమాలు, టీవీ సీరియళ్లలో నటించారు. దర్శకత్వం కూడా వహించారు. హైదరాబాద్లో యాక్టింగ్ స్కూల్ స్థాపించి ఎంతో మందికి నటనలో మెళకువలు నేర్పించారు. దేవదాస్ కనకాల కుటుంబంలో అంతా నటులే. ఆయన భార్య లక్ష్మీ కనకాల పలు సినిమాల్లో నటించారు. ఆమె చనిపోక ముందు వరకు యాక్టింగ్ స్కూల్కు ప్రిన్సిపాల్గా వ్యవహరించారు. ఇక దేవదాస్ కుమారుడు రాజీవ్ కనకాల, కుమార్తె శ్రీలక్ష్మి కూడా నటులే. కోడలు సుమ యాంకర్గా రాణిస్తున్నారు. ‘‘అమృతం’’ టీవీ సీరియల్లో నవ్వులు పూయించిన దేవదాస్ కనకాల.. తెలుగు సినీ పరిశ్రమ చెన్నైలో ఉన్న సమయంలో ఎంతోమంది ప్రముఖ నటులకు నటనలో శిక్షణ ఇచ్చారు. వారిలో స్టార్ హీరోలు రజినీకాంత్, కమల్ హాసన్ కూడా ఉండటం విశేషం. ఇక హైదరాబాద్ వచ్చి యాక్టింగ్ స్కూల్ను పెట్టిన తరవాత ఎంతోమందికి నటనలో శిక్షణ ఇచ్చారు. ఈ జాబితాలో మెగాస్టార్ చిరంజీవి, నటకిరీటి రాజేంద్ర ప్రసాద్ కూడా ఉన్నారు. ‘‘ఓ సీత కథ, మాంగళ్యానికి మరో ముడి, సిరిసిరి మువ్వ, మంచుపల్లకి, గోరింటాకు, భలే దంపతులు, గ్యాంగ్ లీడర్, చెట్టుకింద ప్లీడర్, అమ్మో ఒకటో తారీఖు, మనసంతా నువ్వే, శ్రీరామ్, పెదబాబు, మళ్లీశ్వరి, కింగ్, జోష్, నీస్నేహం, అసాధ్యుడు, ఒక్క మగాడు’’ వంటి సినిమాల్లో దేవదాస్ కనకాల నటించారు. తన కెరీర్లో చివరిగా ఇటీవల వచ్చిన మహేష్బాబు సూపర్ హిట్ చిత్రం ‘‘భరత్ అనే నేను’’లో కనిపించారు. ‘‘చలిచీమలు, నాగమల్లి’’ చిత్రాలకు దేవదాస్ దర్శకత్వం వహించారు. దేవదాస్ కనకాల మృతితో టాలీవుడ్లో విషాద ఛాయలు అలుముకున్నాయి. కనకాల మృతి పట్ల టాలీవుడ్ సెలబ్రిటీలు దిగ్భ్రాంతి వ్యక్తం చేస్తున్నారు. ఆయన ఆత్మకు శాంతి చేకూరాలని కోరుకుంటున్నారు. కనకాల కుటుంబ సభ్యులకు తమ ప్రగాఢ సానిభూతిని తెలియజేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2YEvz4C
v
No comments:
Post a Comment