మనిషి జీవితంలో పెళ్లి, పిల్లలు అనే బంధాలకు చాలా ప్రాధాన్యత ఉంటుంది. తమ జీవితాల్లోకి మరో చిట్టి పాపాయిని ఆహ్వానించేటప్పుడు ఆ భార్యాభర్తలు పొందే ఆనందానికి కొలమానం అంటూ ఏమీ ఉండదు. ఆ సంతోషానికి అవధులు ఉండవు. ప్రస్తుతం ఇదే జోష్లో ఉన్నారు. మంచు కుటుంబంలోకి మరో చిన్నారిని ఆహ్వానించడానికి ఆయన సిద్ధంగా ఉన్నారు. విష్ణు భార్య విరానికా గర్భవతి అనే విషయం తెలిసిందే. ఈ విషయాన్ని మే నెలలో విష్ణు స్వయంగా ప్రకటించారు. త్వరలోనే విరానికా నాలుగో బిడ్డకు జన్మనివ్వబోతున్నారు. అయితే, ఈ ఆనందాన్ని తాము మాత్రమే ఆస్వాదించకూడదని విష్ణు నిర్ణయించుకున్నారు. తన భార్య బిడ్డను ప్రసవించే సమయంలో ఆ దృశ్యాలను ఇన్స్టాగ్రామ్ ద్వారా లైవ్ టెలీకాస్ట్ చేయాలని విష్ణు నిర్ణయించుకున్నారు. ఇదే విషయాన్ని ఆయన గురువారం ట్విట్టర్ ద్వారా అభిమానులతో పంచుకున్నారు. కాజల్ అగర్వాల్ సూచనల మేరకు ఈ నిర్ణయం తీసుకున్నట్టు పేర్కొన్నారు. ‘‘బ్యూటిఫుల్ కాజల్ అగర్వాల్తో సుధీర్ఘమైన చర్చలు, సమాలోచనలు చేసిన తరవాత.. విరానికా మా బిడ్డను ప్రసవించడాన్ని ఇన్స్టాగ్రామ్ ద్వారా లైవ్ ఇవ్వాలని నేను నిర్ణయించుకున్నాను. థ్యాంక్స్ కాజల్ అగర్వాల్. నీ ఐడియా చాలా బాగుంది’’ అని విష్ణు తన ట్వీట్లో పేర్కొన్నారు. ఈ ట్వీట్కు విష్ణు భార్య విరానికా స్పందించారు. ‘‘అవును! అప్పుడు నిన్ను బయటికి తగిలేస్తాను. కాజల్.. నువ్వు ఉండొచ్చు’’ అని విరానికా రిప్లై ఇచ్చారు. ఈ ట్వీటు, రిప్లై ఏమో కానీ.. విష్ణు ఈ విషయం గురించి చెప్పిన కాసేపటికే ట్రోలింగ్ మొదలైపోయింది. బిడ్డకు జన్మనిచ్చేటప్పుడు లైవ్ ఏంటి అని నెటిజన్లు తిట్టిపోస్తున్నారు. విష్ణుకి పిచ్చి పట్టిందంటూ ఇష్టమొచ్చినట్లు కామెంట్లు పెడుతున్నారు. అయితే, ఒక ట్విట్టర్ యూజర్ మాత్రం విష్ణు మెసేజ్కు పాజిటివ్గా స్పందించారు. లైవ్ టెలీకాస్ట్ అంటే ఆయన కెమెరా పట్టుకుని ఆపరేషన్ థియేటర్లోకి వెళ్లరని.. బిడ్డ పుట్టాక లైవ్ ద్వారా అందరికీ చూపిస్తారని వివరణ ఇచ్చారు. దయచేసి ట్రోల్స్ ఆపండంటూ వేడుకున్నారు.
from Telugu Movie News | Movie News in Telugu | Movie Gossips in Telugu https://ift.tt/2ZHWe20
v
No comments:
Post a Comment