తూనీగ సాంగ్: హృద్యంగా ఆల‌పించిన రేలా రే రేలా ఫేం జాన‌కీ రావు

ఒక దైవ ర‌హస్యం వెల్ల‌డి చేస్తామంటూ ఆద్యంతం ఆసక్తి రేపేలా రూపుదిద్దుకుంటున్న ‘తూనీగ’ చిత్రం ప్రోమో సాంగ్‌ను క‌ళింగన‌గ‌రిలో ఈజిప్టు సుంద‌రి న‌వ‌లా ర‌చ‌యిత భాను ప్ర‌కాశ్ కెంబూరి సామాజిక మాధ్య‌మాల ద్వారా విడుద‌ల‌చేశారు. జాత‌ర‌మ్మ జాత‌ర కూలిజ‌నం జాత‌ర అనే ప‌ల్ల‌వితో సాగే ఈ పాట‌ను రేలా రే రేలా ఫేం జాన‌కీ రావు స్వీయ స్వ‌ర‌క‌ల్ప‌న‌లో ఆల‌పించారు. చిత్ర ప్ర‌చార సార‌థి రత్న‌కిశోర్ శంభుమ‌హంతి సాహిత్యం అందించారు. ఈ సంద‌ర్భంగా భాను ప్ర‌కాశ్ మాట్లాడుతూ "సరికొత్త ఆలోచ‌న‌ల‌కు ఈ సినిమా నాంది కావాలి. మా శ్రీ‌కాకుళం కుర్రాళ్లు చేస్తున్న ఈ ప్రయ‌త్నం స‌ఫ‌లీకృతం అయితే రేప‌టి వేళ మ‌రికొంద‌రు ధైర్యంగా ముంద‌డుగు వేయ‌గ‌ల‌రు. శ్రీ‌కాకుళం అంటే వ‌ల‌స‌ల‌కు నిల‌యం అని, వెనుక‌బాటుకు చిరునామా అని ఏవేవో అనుకుంటారు కానీ ఇక్క‌డి క‌ళ‌లు, ఇక్క‌డి సాహిత్యం ఇక్క‌డి జాన‌ప‌దం ఎంతో గొప్ప‌వి. వీటిని సినీ మాధ్య‌మం విరివిగా వాడుకుని విజ‌య‌వంతం అయింది. కార‌ణాలేమైన‌ప్ప‌టికీ ఇక్క‌డి జాన‌పదం ప్ర‌పంచ వ్యాప్త గుర్తింపున‌కు నోచుకోలేక‌పోతోందీ వేళ. ఈ నేప‌థ్యంలో మిత్రులు జానకీరాం ఆలపించిన ఈ పాట ఎంతో హృద్యంగా ఉంది. గ‌తంలో కూడా ఈ ప్రాంత అస్తిత్వ గొంతుక‌గా, ఆత్మ గౌర‌వానికి ప్ర‌తినిధిగా నిలిచిన వారెంద‌రో ఉన్నారు. ఆ కోవలో ఆ తోవ‌లో మిత్రులు, చిత్ర ద‌ర్శ‌కులు ప్రేమ్ సుప్రీమ్ నిల‌వాల‌ని మ‌న‌స్ఫూర్తిగా కోరుకుంటున్నాను.."అంటూ త‌న ఆత్మీయ వ‌చ‌నం అందించారు. అనంత‌రం చిత్ర‌బృందం త‌న ఆనందాన్ని సామాజిక మాధ్య‌మాల ద్వారా పంచుకుంది. రేలా రే రేలా జాన‌కీ రావుకు ప్ర‌త్యేక కృత‌జ్ఞ‌త‌లు చెల్లించింది. నెల రోజులుగా ర‌త్న‌కిశోర్ శంభుమ‌హంతి నేతృత్వాన సాగుతున్న ప్ర‌చార సంరంభం వినూత్న‌త‌కు ఆన‌వాలుగా నిలుస్తోంద‌ని ద‌ర్శ‌కులు ప్రేమ్ సుప్రీమ్ ఆనందం వ్య‌క్తం చేశారు. అదేవిధంగా త‌మ ప్ర‌య‌త్నాన్ని అభినందిస్తూ తెలంగాణ క‌ళాకారులు, సినివారం ఫేం సంఘీర్ ఓ వీడియో రూపొందించి, మాకు మ‌ద్ద‌తుగా నిల‌వ‌డం ఎన్న‌టికీ మ‌రిచిపోలేని విష‌య‌మ‌ని అన్నారు. ఈ చిత్రం విష‌య‌మై మొద‌టి నుంచి అండ‌గా ఉంటూ వ‌స్తున్న ర‌చ‌యిత‌, ద‌ర్శ‌కులు త‌నికెళ్ల భ‌ర‌ణికి, మ‌రో ర‌చ‌యిత మ‌రుధూరి రాజాకు, నిర్మాత రాజ్ కందుకూరికి, ప్ర‌ముఖ ద‌ర్శ‌కులు వేణు ఊడుగుల‌కి,మ‌రో ప్ర‌ముఖ ద‌ర్శ‌కులు స‌తీశ్ వేగేశ్న‌కు, "సినివారం" ఫేం అక్షర కుమార్ బృందానికి, ప్ర‌ముఖ క‌ళా ద‌ర్శ‌కులు ల‌క్ష్మ‌ణ్ ఏలే కు, ప్ర‌ముఖ న‌ఖ చిత్ర క‌ళాకారులు ర‌వి పర‌స‌కు, ప్ర‌ముఖ చిత్ర‌కారులు బాబు దుండ్ర‌పెల్లికి, గిరిధ‌ర్ అర‌స‌వల్లికి, ధ‌నుంజ‌య అండ్లూరికి, వాయిస్ ఓవ‌ర్ ఆర్టిస్ట్ టీవీ 9 ఫేం శ్రీ‌నివాస ఫ‌ణిద‌ర్‌కు ధ‌న్య‌వాదాలు తెలిపారు. అన్ని ప్ర‌చుర‌ణ‌, ప్ర‌సార మాధ్య‌మాల ప్ర‌తినిధుల‌కు కృత‌జ్ఞ‌త‌లు చెల్లించారు.

from Telugu Movie News | Movie News in Telugu | Movie Gossips in Telugu https://ift.tt/2Uf2T1B
v