వివాదాలకు కేరాఫ్గా నిలిచే రామ్ గోపాల్ వర్మ మరోసారి వివాదాన్ని క్రియేట్ చేశారు. తన శిష్యుడు పూరీ జగన్నాధ్ తీసిన ఇస్మార్ట్ సినిమా చూడటం కోసం హైదరాబాద్ మూసాపేటలోని శ్రీరాములు థీయేటర్కు వచ్చాడు. ఆర్ఎక్స్ 100 ఫేమ్ అజయ్ భూపతి, లక్ష్మీస్ ఎన్టీఆర్ ఫేమ్ అగస్త్య ముగ్గురూ ట్రిపుల్ రైడ్లో బైక్పై థియేటర్కు వెళ్లారు. అలా వెళ్లింది కాకుండా.. పోలీసులెక్కడా.. అందరూ సినిమా హాల్ లోపల మూవీ చూస్తున్నారనుకుంటా అని ఇస్మార్ట్ శంకర్ టీంను ట్యాగ్ చేసి ట్వీట్ చేశాడు. వెంటనే స్పందించిన హైదరాబాద్ పోలీసులు బైక్ నంబర్ ఆధారంగా హెల్మెట్ లేకుండా, ట్రిపుల్ రైడ్లో వెళ్లినందుకు రూ.1300 జరిమానా విధించారు. ట్రాఫిక్ నిబంధలను ఉల్లఘించడాన్ని మా దృష్టికి తీసుకొచ్చినందుకు ధన్యవాదాలు వర్మ.. ట్రాఫిక్ నిబంధనలను పాటించడంలోనూ ఇలాగే వ్యవహరించాలని కోరుకుంటున్నాం. థియేటర్లలోనే ఎందుకు ఇలాంటి డ్రామా, సర్కస్లను ప్రతి నిమిషం రోడ్ల మీద పోలీసులు చూస్తుంటారంటూ సైబరాబాద్ ట్రాఫిక్ విభాగం చురకలు అంటించింది. అప్పటికీ ఆగని వర్మ.. మరింత రెచ్చిపోయాడు. సైబరాబాద్ పోలీసు గారూ.. ఐ లవ్యూ.. మీరు చేస్తున్న అద్భుతమైన పనికి 39 రోజులపాటు ఆగకుండా ముద్దులు పెట్టాలనుకుంటున్నా. నాకు రెండో అమ్మాయి ఉంటే మీరు నా అల్లుడు కావాలని రిక్వెస్ట్ చేసేవాణ్ని అని బదులిచ్చాడు (వర్మ కూతురికి ఇప్పటికే పెళ్లయ్యింది). ఈ వ్యవహరమంతా గమనించిన ఓ నెటిజన్ నువ్వు తోపు రా.. రూ.1335 ఖర్చు పెట్టి ఎక్కడలేని పబ్లిసిటీ పొందావ్. ఎంబీఏ విద్యార్థులకు ఓసారి గెస్ట్ లెక్చరర్లా క్లాస్ తీసుకో అని ట్వీట్ చేశాడు. మరొకరేమో.. లాను సన్ ఇన్ లా చేసుకుందామని ప్లాన్ వేస్తున్నావా? అని కొంటెంగా బదులిచ్చారు. ఇలా నిబంధనలు ఉల్లంఘించి పబ్లిసిటీ పొందడమేంటో ఆ వర్మకే తెలియాలి.
from Telugu Movie News | Movie News in Telugu | Movie Gossips in Telugu https://ift.tt/2Y3g0Dt
v
No comments:
Post a Comment