‘శ్రీదేవి బంగ్లా’ వివాదం.. లైట్ తీసుకోమంటోన్న ప్రియా వారియర్

కన్ను గీటే వీడియోతో ఓవైర్ నైట్ స్టార్ అయిపోయిన .. ‘శ్రీదేవి బంగ్లా’ సినిమా ద్వారా బాలీవుడ్‌కు పరిచయమవుతోంది. ఈ సినిమాలో అర్బాజ్ ఖాన్‌తో కలిసి ప్రియా వారియర్ నటిస్తోంది. ఈ సినిమా ట్రైలర్ విడుదలైన తరవాత వివాదాలు చుట్టుముట్టాయి. చనిపోయిన ప్రముఖ నటి శ్రీదేవి పేరును ఈ సినిమాకు వాడుకోవడం ఒక వివాదమైతే.. శ్రీదేవి చనిపోయిన విధానాన్ని తలపిస్తూ బాత్‌టబ్‌లో మునిగిపోయిన మహిళ రెండు కాళ్లు చూపించడం మరో వివాదం. ఈ సినిమా నిర్మాతలకు శ్రీదేవి భర్త బోనీ కపూర్ లీగల్ నోటీసులు పంపారని అప్పట్లో వార్తలు వచ్చాయి. మొత్తానికి ఈ సినిమా షూటింగ్ తిరిగి ముంబైలో మొదలైంది. ఈ సినిమాలో లీడ్ రోల్ పోషిస్తోన్న ప్రియా ప్రకాశ్‌ను తాజాగా మీడియా పలకరించింది. సినిమా వివాదం గురించి మీడియా ప్రతినిధులు ఆమె వద్ద ప్రస్తావించగా.. వాటి గురించి తాను ఎలాంటి ఆందోళన చెందడం లేదని చెప్పింది. ఒక నటిగా తన పాత్రకు న్యాయం చేయడం ఒక్కటే తాను చేయాల్సిన పని అని చెప్పుకొచ్చింది. ఒకవేళ వివాదాలు ఏమైనా ఉంటే దర్శక నిర్మాతలు చూసుకుంటారని వెల్లడించింది. ‘ఈ విషయాలను మీరు దర్శకుడు లేదంటే నిర్మాతను అడగాలి. నేను కేవలం ఈ సినిమాలో నాకు ఇచ్చిన పాత్రను మాత్రమే పోషిస్తున్నాను. అసలు ఇతరులను బాధపెట్టడం మా ఎజెండానే కాదు. ఈ వివాదం కారణంగా బాలీవుడ్‌లో నాపై నెగిటివిటీ ప్రభావం ఉంటుందని నేను అనుకోను. నేను ప్రస్తుతం ఎదిగే దశలో ఉన్నాను. ఇంకో విషయం ఏంటంటే.. నేను శ్రీదేవికి వీరాభిమానిని. ఇలాంటి వివాదాలు వస్తూనే ఉంటాయి. వాటిని పెద్దగా పట్టించుకోవాల్సిన అవసరంలేదు’ అని ప్రియా సెలవిచ్చింది.

from Telugu Movie News | Movie News in Telugu | Movie Gossips in Telugu https://ift.tt/2kcdtZA
v