పుట్టిన రోజు (జులై 24) వేళ టీఆర్ఎస్ వర్కింగ్ ప్రెసిడెంట్ కేటీఆర్కు శుభాకాంక్షలు వెల్లువెత్తుతున్నాయి. ట్విటర్, ఫేస్బుక్ ఖాతాలు శుభాకాంక్షల సందేశాలతో నిండిపోయాయి. రాజకీయ నేతలతో పాటు సినీ ప్రముఖులు, ఇతర సెలబ్రిటీలు ఆయనకు విషెస్ చెప్పారు. యంగ్ హీరో .. కేటీఆర్ బర్త్డేను పురస్కరించుకొని మొక్కలు నాటారు. సూపర్స్టార్ మహేశ్ బాబు, మెగా పవర్ స్టార్ రాంచరణ్, విజయ్ దేవరకొండ, మంచు మనోజ్, అడవి శేషు సహా పలువురు హీరోలు కేటీఆర్కు విషెస్ చెప్పారు. కేటీఆర్ పుట్టిన రోజు సందర్భంగా పలువురు నేతలు, సెలబ్రిటీలు వివిధ కార్యక్రమాలు చేపట్టారు. వారందరికీ కేటీఆర్ ధన్యవాదాలు తెలిపారు. Read Also: ‘పుట్టిన రోజు శుభాకాంక్షలు కేటీఆర్. ఈ ఏడాది మీకు గొప్పగా ఉండాలని కోరుకుంటున్నా’ అని హీరో మహేశ్ బాబు ట్వీట్ చేశారు. ‘ప్రియమైన కేటీఆర్కు పుట్టినరోజు శుభాకాంక్షలు. మీరు ఇలానే వినయపూర్వక, డైనమిక్ నాయకుడిగా కొనసాగండి. మీ జీవితం సంతోషం, విజయంతో నిండాలని కోరుకుంటున్నా’ అని రామ్ చరణ్ ఫేస్బుక్లో శుభాకాంక్షలు తెలిపారు. చిరంజీవి, కేటీఆర్తో కలిసి దిగిన ఫొటోను ఆయన షేర్ చేశారు. ‘పుట్టిన రోజు శుభాకాంక్షలు రామన్నా’ అంటూ యంగ్ హీరో విజయ్ దేవరకొండ ట్వీట్ చేశారు. ‘కామ్రేడ్ విజయ్.. చాలా థాంక్స్’ అని కేటీఆర్ బదులిచ్చారు. ‘సంతోషన్నా.. మీరిచ్చిన ఛాలెంజ్ను స్వీకరించా. ఓ మినీ ఫారెస్ట్ను డెవలప్ చేయడానికి ప్రతిజ్ఞ చేస్తున్నా. దీన్ని పూర్తిగా అర్థం చేసుకున్న తర్వాత వాలంటీర్లకు శిక్షణ ఇచ్చి ఆ పని పూర్తి చేస్తా..’ అంటూ విజయ్ దేవరకొండ సరదాగా ట్వీట్ చేశారు. గిఫ్ట్ ఎ స్మైల్.. మొక్క నాటిన నితిన్ టీఆర్ఎస్ వర్కింగ్ ప్రెసిడెంట్ కేటీఆర్ పుట్టినరోజు సందర్భంగా ఎంపీ సంతోష్ కుమార్ గిఫ్ట్ ఏ స్మైల్ అనే ఛాలెంజ్ని తీసుకున్నారు. కీసరగుట్ట రిజర్వ్ ఫారెస్ట్లోని 2042 ఎకరాల అటవీ ప్రాంతాన్ని దత్తత తీసుకున్న ఆయన అక్కడ మొక్కలు నాటుతున్నట్లు తెలిపారు. దర్శకుడు వంశీ పైడిపల్లి, మాజీ ఎంపీ కవిత, విజయ్ దేవరకొండ, నితిన్కు ఈ ఛాలెంజ్ విసిరారు. గిఫ్ట్ ఎ స్మైల్ ఛాలెంజ్ని స్వీకరించిన హీరో నితిన్ తన ఇంటి ఆవరణలో ఓ మొక్క నాటారు. ‘ఇలాంటి సామాజిక బాధ్యతలో నన్ను భాగం చేసినందుకు సంతోష్ కుమార్ గారికి ధన్యవాదాలు. మన ప్రపంచాన్ని అందంగా మార్చడంలో మా బాధ్యతలు గుర్తుచేసే ఏ సవాలునైనా స్వీకరించడానికి ఎల్లప్పుడూ సిద్ధమే. నా పని పూర్తి చేశా. ఇప్పుడు మీ (అభిమానులు) సమయం వచ్చింది. హ్యాపీ బర్త్ డే కేటీఆర్ గారు..’ అని నితిన్ ట్వీట్ చేశారు.
from Telugu Movie News | Movie News in Telugu | Movie Gossips in Telugu https://ift.tt/2JLyMLD
v
No comments:
Post a Comment