కన్నుగీటు వీడియోతో ఇంటర్నెట్లో సెన్సేషన్ క్రియేట్ చేసిన మలయాళ బ్యూటీ ఓవర్నైట్ స్టార్ అయిపోయింది. తొలి సినిమా ‘ఒరు అదార్ లవ్’తోనే ఎక్కడలేని క్రేజ్ సంపాదించింది. ఈ సినిమా తెలుగులోనూ ‘లవర్స్ డే’ పేరిట అనువాదమైంది. ఇక్కడ కూడా ప్రియా ప్రకాశ్కు బోలెడంత ఫ్యాన్ ఫాలోయింగ్. సోషల్ మీడియాలో యాక్టివ్గా ఉండే ప్రియా ప్రకాశ్ రకరకాల పోస్టులతో అభిమానులను అలరిస్తోంది. అయితే, ఇటీవల ఆమె చేసిన ఒక ఇన్స్టాగ్రామ్ పోస్ట్ ప్రస్తుతం ఇంటర్నెట్లో బాగా ట్రెండ్ అవుతోంది. దీనికి కారణం ఆ పోస్ట్లో ఉన్న వీడియో. ఈ వీడియోలో ప్రియా ప్రకాశ్తో పాటు ఆమె స్నేహితుడు, సినిమాటోగ్రాఫర్ శీను సిద్ధార్థ్ కూడా ఉన్నారు. ప్రియా ప్రకాశ్ ‘ఒరు అదార్ లవ్’ స్టైల్లో స్కూల్ యూనిఫాంలో ఉంది. ఆమె భుజంపై చేయివేసుకుని పక్కనే కూర్చున్నాడు శీను సిద్ధార్థ్. వీరిద్దరూ ఒకరినొకరు కళ్లలో కళ్లు పెట్టి చూసుకుంటూ ముద్దాడుకోవడానికి ముఖాలు దగ్గరకు తీసుకువచ్చారు. కానీ, ఇక్కడే ట్విస్ట్ ఉంది. ప్రియా పెదాల వరకు తన పెదాలను తీసుకెళ్లిన శీను.. ఒక్కసారిగా డైరెక్షన్ మార్చి తన చేతిలో ఉన్న వాటర్ బాటిల్ను నోటికి అందించుకున్నాడు. గడగడా నీళ్లు తాగేశాడు. దీంతో అప్పటి వరకు రొమాంటిక్ మూడ్లో ఉన్న ప్రియా.. శీను చర్యతో తెల్లముఖం వేసుకుంది. కాగా, ప్రియా ప్రకాశ్ ప్రస్తుతం ‘శ్రీదేవి బంగ్లా’ అనే హిందీ సినిమాలో నటిస్తోంది. ఈ సినిమాతో ఆమె బాలీవుడ్కు పరిచయమవుతోంది. ఈ చిత్రంలో అర్బాజ్ ఖాన్ ముఖ్య పాత్ర పోషిస్తున్నారు. ఈ చిత్రం అప్పట్లో వివాదంలో చిక్కుకుంది. శ్రీదేవి పేరును వాడుకోవడంతోపాటు ఆమె దుబాయ్లో చనిపోయిన విధానాన్ని గుర్తుచేసేలా బాత్ టబ్లో అమ్మాయి కాళ్లు చూపిస్తూ పోస్టర్ వేశారు. దీంతో బోనీ కపూర్ చిత్ర నిర్మాతలకు నోటీసులు కూడా పంపారు. కొంతకాలం షూటింగ్కు బ్రేక్ పడింది. మళ్లీ, ఇప్పుడు ముంబైలో షూటింగ్ జరుగుతోంది.
from Telugu Movie News | Movie News in Telugu | Movie Gossips in Telugu https://ift.tt/2y3s2Cj
v
No comments:
Post a Comment