రకుల్ రివర్స్ యోగా.. ఇలా అయితేనే ప్రపంచం పర్ఫెక్ట్‌గా ఉంటుందట!

ప్రస్తుతం టాలీవుడ్‌లో ఉన్న హీరోయిన్లలో రకుల్ ప్రీత్ సింగ్‌కు ఫిట్‌నెస్ మీద కాస్త శ్రద్ధ ఎక్కువ. షూటింగ్ లేని సమయంలో ఆమె ఎక్కువగా జిమ్‌లోనే గడుపుతుంటారు. యోగా కూడా చేస్తుంటారు. ఆమె జిమ్‌లో విపరీతంగా కసరత్తులు చేస్తోన్న చాలా వీడియోలను ఇప్పటికే సోషల్ మీడియాలో ఉంచారు. రకుల్ ఫిట్‌నెస్ సూపరంటూ ఆమె అభిమానులు తెగ మురిసిపోతూ ఉంటారు. అయితే, తాజాగా రకుల్ ఇన్‌స్టాగ్రామ్‌లో పోస్ట్ చేసిన ఫొటోలు చూస్తుంటే ‘వామ్మో’ అనిపిస్తోంది. ఈ ఫొటోలు చూసిన వాళ్లు రకుల్ సూపర్ అనకమానరు. నేడు అంతర్జాతీయ యోగా దినోత్సవాన్ని పురష్కరించుకుని అందరికీ యోగా డే శుభాకాంక్షలు తెలుపుతూ కొన్ని యోగాసనాలు వేశారు. ఈ యోగసనాలు అన్నీ తలకిందులుగా ఉన్నాయి. సీలింగ్‌కు పొడవాటి గుడ్డను కట్టి దానికి వేలాడుతూ రకుల్ ఈ ఆసనాలను వేశారు. ఈ ఆసనాలు వేయడం అంత సులభమైన పనికాదు. అయితే, ఈ విధంగా తలకిందులుగా యోగసనాలు వేయడం వల్ల ప్రపంచం పర్ఫెక్ట్‌గా ఉంటుందని రకుల్ అంటున్నారు. ‘అందరికీ అంతర్జాతీయ యోగా దినోత్సవం శుభాకాంక్షలు. అర్షుక యోగాలో నేను ఒక క్లాస్ తీసుకోకపోయి ఉంటే నేను అసలు యోగా చేసే వ్యక్తినే అయ్యుండేదాన్ని కాదు. ఇవి మన జీవితాన్ని మారుస్తాయి. తలకిందులుగా వేలాడినప్పుడు నా ప్రపంచం పర్ఫెక్ట్‌గా ఉంటుంది. మనశ్శాంతి, ఆనందం, నిశ్శబ్దం కలగడమే కాకుండా గాయాల నుంచి కూడా కోలుకుంటాను. నన్ను బానిసను చేసినందుకు థాంక్యూ అన్షుక యోగా’ అని రకుల్ తన పోస్ట్‌లో పేర్కొన్నారు.

from Telugu Movie News | Movie News in Telugu | Movie Gossips in Telugu http://bit.ly/2Ktt2Ib
v