‘ఆకాశంలోన’.. మీ గుండెల్ని పిండేసే పాట: సమంత

అక్కినేని ప్రధాన పాత్రలో నటించిన తాజా చిత్రం ‘ఓ బేబీ’. బీవీ నందినిరెడ్డి దర్శకత్వం వహించారు. సురేష్ ప్రొడక్షన్స్, గురు ఫిలింస్, పీపుల్ మీడియా ఫ్యాక్టరీ, క్రాస్ పిక్చర్స్ బ్యానర్లపై సురేష్ బాబు దగ్గుబాటి, సునీత తాటి, టీజీ విశ్వప్రసాద్, హ్యున్యూ థామస్ కిమ్ సంయుక్తంగా ఈ సినిమాను నిర్మించారు. మిక్కీ జే మేయర్ సంగీతం సమకూర్చారు. రాజేంద్ర ప్రసాద్, లక్ష్మి, నాగశౌర్య, రావు రమేష్, తేజ, అడివి శేష్ ఇతర ముఖ్య పాత్రలు పోషించారు. జూలై 5న ఈ చిత్రం ప్రేక్షకుల ముందుకు వస్తోంది. ఇప్పటికే విడుదలైన ఈ సినిమా ట్రైలర్ అంచనాలను భారీగా పెంచింది. ఈ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. అయితే, ప్రేక్షకుల ఆసక్తిని మరింత పెంచేలా తాజాగా ఈ సినిమాలోని ఎమోషనల్ సాంగ్‌ను చిత్ర యూనిట్ విడుదల చేసింది. పాట అద్భుతంగా ఉంది. హృదయాన్ని పిండేస్తోంది. లక్ష్మీ భూపాల్ గొప్ప సాహిత్యాన్ని అందించారు. నూతన మోహన్ అంతే అందంగా పాటను ఆలపించారు. ‘ఆకాశంలోన ఏకాకి మేఘం శోఖానిదా వాన’ అనే మొదటి లైనే పాటలోని లోతును చెబుతోంది. సమంత కూడా ఈ పాట గురించి ట్వీట్ చేస్తూ.. ‘ఈ పాట కచ్చితంగా మీ గుండెల్ని పిండేస్తుంది’ అని పేర్కొన్నారు. కాగా, దక్షిణ కొరియా బ్లాక్ బస్టర్ మూవీ ‘మిస్ గ్రానీ’కి ఈ సినిమా రీమేక్. 70 ఏళ్ల పెద్దావిడ జీవితంలో జరిగిన మ్యాజిక్కే ఈ ‘ఓ బేబీ’ సినిమా కథ. ఓ ఫొటో స్టూడియోలో 70 ఏళ్ల పెద్దావిడ ఫొటో దిగుతుంది. ఆ తరవాత ఆమె 23 ఏళ్ల పడుచు పిల్లలా మారిపోతుంది. ఆ తరవాత ఆమెకు ఎదురైన అంశాలు, జీవితంలో చోటుచేసుకున్న మార్పులతో కూడిన ఎమోషనల్ కామెడీ జర్నీ ‘ఓ బేబీ’.

from Telugu Movie News | Movie News in Telugu | Movie Gossips in Telugu http://bit.ly/2RyC1Ix
v