హీరో నిబంధనలకు విరుద్ధంగా బహిరంగ ప్రదేశంలో పొగ తాగారని, దీంతో చార్మినార్ పోలీసులు ఆయనకు రూ.200 జరిమానా విధించారని ఒక వార్త విపరీతంగా వైరల్ అయ్యింది. ప్రస్తుతం ‘ఇస్మార్ట్ శంకర్’ షూటింగ్లో బిజీగా ఉన్న రామ్.. చార్మినార్ వద్ద జరుగుతోన్న టైటిల్ సాంగ్ చిత్రీకరణలో పాల్గొంటున్నారు. గుల్జార్ హౌజ్ ప్రాంతంలో సోమవారం షూటింగ్లో పాల్గొన్న రామ్ సిగరెట్ కాల్చారు. చార్మినార్ సమీపంలో నిషేధిత ప్రదేశంలో హీరో సిగరెట్ కాల్చుతున్న ఫొటో సోషల్ మీడియాలో వైరల్ అయ్యింది. దీంతో రంగంలోకి దిగిన చార్మినార్ పోలీసులు రామ్కు రూ.200 జరిమానా విధించారు. కాగా, ఈ వార్తపై తాజాగా రామ్ స్పందించారు. ట్విట్టర్ ద్వారా అభిమానులకు వివరణ ఇచ్చారు. ఆ వివరణ కూడా ఉస్తాద్ ‘ఇస్మార్ట్ శంకర్’ స్టైల్లోనే ఉంది. ‘నా టైము.. పబ్లిక్ టైము వేస్ట్ చేయడం ఇష్టం లేక రెస్పాండ్ గాలే.. "షాట్లా కాల్చిన తమ్మి.. బ్రేక్ లా కాద్.. టైటిల్ సాంగ్ లా చూస్తావ్గా స్టెపు.. ఫిర్ బి లా కి ఇజ్జత్ ఇచ్చి ఫైన్ కట్టినమ్.." గిప్పుడు నువ్వు కూడా నా లెక్క.. లైట్ తీసుకో పని చూస్కో ఉస్తాద్ ఇస్మార్ట్ శంకర్ ’ అని తన ట్వీట్లో రామ్ పేర్కొన్నారు. ఈ ట్వీట్ ద్వారా తాను నిబంధనలను అతిక్రమించలేదని రామ్ స్పష్టం చేశారు. టైటిల్ సాంగ్ చిత్రీకరణలో భాగంగా సిగరెట్ కాల్చానని, అంతేకానీ విరామంలో కాదని రామ్ వివరించారు. పూరీ జగన్నాథ్ దర్శకత్వంలో తెరకెక్కుతోన్న ఈ సినిమా జూలై 12న ప్రేక్షకుల ముందుకు వస్తోంది. ఇప్పటికే టాకీ పార్ట్ పూర్తయింది. ప్రస్తుతం పాటల చిత్రీకరణ జరుగుతోంది. ఈ సినిమాలో రామ్ సరసన నభా నటేష్, నిధి అగర్వాల్ హీరోయిన్లుగా నటిస్తున్నారు. పూరీ జగన్నాథ్, చార్మి నిర్మాతలు. మణిశర్మ సంగీతం సమకూరుస్తున్నారు.
from Telugu Movie News | Movie News in Telugu | Movie Gossips in Telugu http://bit.ly/2KCNPsR
v
No comments:
Post a Comment