Sita Ramam: ఆ రోజు ఏడ్చేసిన దుల్కార్ సల్మాన్.. నిర్మాతగా నాకు మరో జన్మ: అశ్వనీదత్

మలయాళ స్టార్ హీరో దుల్కార్ సల్మాన్ (Dulquer Salmaan), మృణాళ్ ఠాకూర్ (Mrunal Thakur) జంటగా.. హను రాఘవపూడి (Hanu Raghavapudi) డైరెక్షన్‌లో రూపొందిన సినిమా సీతా రామం (Sita Ramam). ఆగస్టు 5న ఆడియన్స్ ముందుకు వచ్చిన ఈ సినిమా క్లాసిక్ బ్లాక్‌బస్టర్ హిట్ టాక్‌తో థియేటర్స్‌లో రన్ అవుతోంది. దుల్కార్-మృణాళ్ కెమెస్ట్రీకి ప్రేక్షకులు బాగా కనెక్ట్ అవుతున్నారు. స్టార్ హీరోయిన్ రష్మిక మందన్న (Rashmika Mandanna) కీలక పాత్ర పోషించింది. హీరో సుమంత్‌ (Sumanth) ఆర్మీ ఆఫీసర్ క్యారెక్టర్‌లో ఆడియన్స్‌ను మెప్పించారు. తెలుగు, త‌మిళ‌, మ‌ల‌యాళ భాష‌ల్లో వైజ‌యంతీ మూవీస్, స్వప్న సినిమాస్ బ్యాన‌ర్స్‌పై ప్రముఖ నిర్మాత అశ్వనీదత్ (Aswani Dutt) నిర్మించారు. ఈ సినిమా మంచి విజయాన్ని సాధించడంతో ప్రొడ్యూసర్ అశ్వనీదత్, హీరో దుల్కార్ సల్మాన్ సోషల్ మీడియాలో పోస్టులు పెట్టారు. ఇద్దరు రెండు లేఖలు రిలీజ్ చేశారు. తన మీద చూపిస్తున్న ప్రేమాభిమానాలు ఎప్పటికీ మర్చిపోలేనంటూ దుల్కార్ అంటున్నారు. నిర్మాతగా సీతా రామం మూవీ తనకు మరో జన్మ అంటూ అశ్వనీదత్ అన్నారు. ప్రస్తుతం ఈ రెండు లేఖలు సోషల్ మీడియాలో వైరల్ అవుతున్నాయి.

from Telugu Movie News | Telugu Cinema News - Samayam Telugu https://ift.tt/g2s7fI8
v