మనసున్న మహర్షి.. బాక్సాఫీస్ పోకిరి సూపర్ స్టార్ మహేష్.. సరిలేరు నీకెవ్వరు

సూప‌ర్ స్టార్ అనే ప‌దం విన‌టానికి బాగానే ఉంటుంది. కానీ అదొక బాధ్య‌త‌. టాలీవుడ్ చరిత్ర‌లో సూప‌ర్‌స్టార్ కృష్ణ (Super star Krishna) ఓ అధ్యాయం. ఎన్నో వైవిధ్య‌మైన సినిమాల‌ను చేశారు. ఆయ‌న కొడుకుగా సినీ రంగ ప్రవేశం చేసిన మ‌హేష్ బాబు.. ఆయ‌న అడుగు జాడ‌ల్లో న‌డుస్తూ అభిమానులను, ప్రేక్ష‌కుల‌ను మెప్పించేలా సినిమాలు చేయ‌డం సాధార‌ణ విష‌యం కాదు. ఓ వైపు కుటుంబం మ‌రో వైపు ప్రొఫెష‌న‌ల్ లైఫ్‌. ఈ రెండింటినీ బ్యాలెన్స్ చేస్తోన్న మ‌హేష్‌.. ఈ రెండింటికీ ఆవ‌ల ఉన్న మ‌రో కోణంలో స‌మాజానికి తన వంతుగా సేవ‌ను కొన‌సాగిస్తున్నారు. ఈ స్టార్ డ‌మ్‌ను క్యారీ చేయ‌టంలో మ‌హేష్ ఎదుర్కొన్న ఒడిదొడుకులు ఎన్నో. నీడ సినిమాలో చిన్న‌ప్పుడే మ‌హేష్ (Mahesh) సినిమాల్లో అడుగు పెట్టారు. త‌ర్వాత పోరాటం, శంఖారావం, బ‌జార్ రౌడీ, ముగ్గురు కొడుకులు, గూఢ‌చారి 117, కొడుకు దిద్దిన కాపురం, అన్నా త‌మ్ముడు, బాల చంద్రుడు వంటి సినిమాల్లో న‌టించి మెప్పించారు మ‌హేష్‌. అయితే చ‌దువును ఆల‌స‌త్వం చేయ‌కూడ‌ద‌నే కార‌ణంగా తండ్రికిచ్చిన మాట కోసం కొన్నాళ్లు పాటు సినీ రంగానికి దూరంగా ఉన్నారు. చ‌దువు పూర్తి కాగానే ఘ‌ట్ట‌మ‌నేని న‌ట వార‌సుడిగా అంత‌కు ముందు కృష్ణ ఆశ‌ల‌ను, ఆశ‌యాల‌ను ముందుకు తీసుకెళ్లే గురుత‌ర బాధ్య‌త‌ల‌ను తన భుజాల‌కెత్తుకున్నారు మ‌న ప్రిన్స్ మ‌హేష్‌.

from Telugu Movie News | Telugu Cinema News - Samayam Telugu https://ift.tt/zvyTDGk
v