పవర్ స్టార్ , రానా దగ్గుబాటి హీరోలుగా నటించిన చిత్రం ‘’. మలయాళ చిత్రం ‘అయ్యప్పనుమ్ కోశియమ్’ సినిమాకు ఇది రీమేక్‌. భారీ అంచ‌నాల న‌డుమ విడుద‌లైన ఈ చిత్రం వంద కోట్ల రూపాయ‌ల‌కు పైగా గ్రాస్ వ‌సూళ్ల‌ను సాధించింది.ఇదే సినిమాను హిందీలోనూ విడుద‌ల చేయాల‌ని రామ్ గోపాల్ వ‌ర్మ వంటి ద‌ర్శ‌కులు ప‌వ‌న్‌ను రిక్వెస్ట్ చేశారు. వాళ్ల రిక్వెస్టో లేక మార్కెట్‌ను పెంచుకోవాల‌ని మేక‌ర్స్ భావించారేమో కానీ.. ‘భీమ్లా నాయక్’ను హిందీలో విడుద‌ల చేస్తామ‌ని ప్ర‌క‌టించారు. అందుకు త‌గిన‌ట్లుగా రీసెంట్‌గా ఈ సినిమా హిందీ ట్రైల‌ర్‌ను కూడా చిత్ర యూనిట్ విడుద‌ల చేసింది. మార్చి నెల‌లోనే ‘భీమ్లా నాయక్’ హిందీ వెర్ష‌న్ విడుద‌ల ఉంటుంద‌ని అంద‌రూ భావించారు. కానీ సినీ స‌ర్కిల్స్‌లో వినిపిస్తోన్న లేటెస్ట్ స‌మాచారం మేర‌కు.. ‘భీమ్లా నాయక్’ హిందీ వెర్ష‌న్‌ను వాయిదా వేశార‌ట. వ‌చ్చే నెల‌లో విడుద‌ల చేయాల‌ని నిర్మాత‌లు భావిస్తున్నార‌ట. అందుకు కార‌ణం.. ఓ వైపు రాధే శ్యామ్‌, మ‌రో వైపు RRR చిత్రాలు రావ‌డం అని అనుకుంటున్నారు. థియేట‌ర్స్ త‌గినంత దొరికే అవ‌కాశం ఉండ‌ద‌ని, కాబ‌ట్టే భీమ్లా నాయ‌క్‌ను వాయిదా వేసి ఉండొచ్చు అనేది బ‌య‌ట వినిపిస్తోన్న టాక్‌. హిందీలో స‌ర్దార్ గ‌బ్బ‌ర్ సింగ్ సినిమాతో త‌న ల‌క్‌ను పవన్ ట్రై చేస్తే అది బెడిసి కొట్టింది. దీంతో ఇప్పుడు భీమ్లా నాయక్ సినిమాతో మ‌రోసారి హిందీలో పవన్ మార్కెట్‌ను పెంచుకునే ప్ర‌య‌త్నం చేస్తున్నారు. భీమ్లా నాయక్ సినిమా.. అహంకారానికి, ఆత్మ గౌర‌వానికి మ‌ధ్య న‌డిచే పోరుగా చిత్రీక‌రించారు. మలయాళ కాన్సెప్ట్‌ను ఉన్న‌ది ఉన్న‌ట్లుగా కాకుండా తెలుగు నెటివిటీకి త‌గ్గ‌ట్లు పవన్ కళ్యాణ్ ఇమేజ్‌కు త‌గిన‌ట్లు మార్పులు చేర్పులు చేసి చిత్రీక‌రించారు. సాగ‌ర్ కె.చంద్ర ద‌ర్శ‌క‌త్వం వ‌హించిన ఈ చిత్రానికి ప్ర‌ముఖ ద‌ర్శ‌కుడు త్రివిక్ర‌మ్ స్క్రీన్ ప్లే, మాట‌లు అందించారు.
from Telugu Movie News | Movie News in Telugu | Movie Gossips in Telugu https://ift.tt/E3PIgzV
v
No comments:
Post a Comment