మరోసారి రామ్ చరణ్‌తో ఆలియా భట్.. అసలు ట్విస్ట్ అదే!

మెగా పవర్ స్టార్ ఫుల్ బిజీగా తన షెడ్యూల్‌ను ప్టాన్ చేసేసుకున్నారు. ఇప్ప‌టికే ఆయ‌న RRR సినిమాతో పాన్ ఇండియా ప్రేక్ష‌కుల‌ను ప‌ల‌క‌రించ‌డానికి సిద్ధ‌మైన సంగ‌తి తెలిసిందే. అలాగే స్టార్ డైరెక్ట‌ర్ శంక‌ర్‌తో త‌న 15వ చిత్రాన్ని చేస్తున్నారు. మ‌రోవైపు గౌత‌మ్ తిన్న‌నూరితో మ‌రో భారీ పాన్ ఇండియా మూవీని సెట్స్ పైకి తీసుకెళ్ల‌డానికి రెడీ అవుతున్నారు. సినిమాల‌తో ఇంత బిజీగా ఉన్న‌ప్ప‌టికీ రామ్ చ‌ర‌ణ్ క‌మ‌ర్షియ‌ల్ యాడ్స్‌లోనూ న‌టిస్తున్నారు. అందుకు త‌గిన స‌మ‌యం కేటాయిస్తున్నారు. వేస‌వి కాలం ప్రారంభ‌మైంది. ప్ర‌ముఖ కూల్ డ్రింక్‌, జ్యూస్‌ల‌ను త‌యారు చేసే సంస్థ‌లు వారి ప్రొడ‌క్ట్స్‌ను సేల్ చేసుకోవ‌డానికి స‌న్నాహాలు ప్రారంభించాయి. అందులో భాగంగా పార్లే అగ్రో సంస్థ రూపొందిస్తున్న ఫ్రూటీ యాడ్‌లో రామ్ చ‌ర‌ణ్ న‌టించారు. రామ్ చ‌ర‌ణ్‌కి క‌మ‌ర్షియ‌ల్ యాడ్‌లో న‌టించ‌డం కొత్తేమీ కాదుగా అనొచ్చు. కానీ అస‌లు విష‌యం ఏంటంటే ఇందులో ఆలియా భ‌ట్‌తో న‌టించ‌ట‌మే అస‌లు ట్విస్ట్‌. వీరిద్ద‌రూ రాజ‌మౌళి ద‌ర్శ‌క‌త్వంలో తెర‌కెక్కిన RRRలో జోడీగా న‌టించారు. ఈ చిత్రంలో అల్లూరి సీతారామ‌రాజు పాత్ర‌లో రామ్ చ‌ర‌ణ్ న‌టించ‌గా, ఆయ‌న జంట సీత‌గా ఆలియా భ‌ట్ న‌టించారు. ఆ సినిమా రిలీజ్ కాక‌ముందే ఈ జంట మ‌రోసారి ఫ్యాన్స్‌కి క‌నువిందు చేయ‌బోతున్నారు. ఇక RRR విష‌యానికి వ‌స్తే ఎంటైర్ ఇండియా ఎదురు చూస్తోన్న ప్యాన్ ఇండియా మూవీ ఇది. ఇందులో గోండు వీరుడు కొమురం భీమ్‌గా ఎన్టీఆర్, మ‌న్యం వీరుడు అల్లూరి సీతారామ‌రాజుగా రామ్ చ‌ర‌ణ్ న‌టించారు. చ‌రిత్ర‌లో క‌లుసుకోని ఇద్ద‌రు యోధులు క‌లుసుకుని బ్రిటీష్ వారిని ఎద‌రిస్తే ఎలా ఉంటుంద‌నే ఫిక్ష‌న‌ల్ క‌థాంశంతో RRRను తెర‌కెక్కించారు. మార్చి 25న ప్రపంచ వ్యాప్తంగా సినిమా భారీ ఎత్తున రిలీజ్ కానుంది. బాహుబలి తర్వాత రాజమౌళి దర్శకత్వంలో తెరకెక్కిన చిత్రం కావడంతో సినిమాపై భారీ అంచనాలున్నాయి.

from Telugu Movie News | Movie News in Telugu | Movie Gossips in Telugu https://ift.tt/CYS3pkX
v