మెగా పవర్ స్టార్ రామ్ చరణ్ హీరోగా స్టార్ డైరెక్టర్ శంకర్ దర్శకత్వంలో ఓ సినిమా రూపొందుతోన్న సంగతి తెలిసిందే. ఇప్పటికే కొంత మేర చిత్రీకరణను పూర్తి చేసుకున్న ఈ చిత్రం కొత్త షెడ్యూల్ చిత్రీకరణకు సిద్ధమవుతోంది. మరో రెండు రోజుల్లో కొత్త షెడ్యూల్ షూటింగ్ ప్రారంభం కానుంది. తూర్పు గోదావరి జిల్లాలోని కాకినాడ, పరిసర ప్రాంతాల్లో యాక్షన్ సన్నివేశాలను చిత్రీకరించడానికి శంకర్ అండ్ టీమ్ ప్లాన్ చేశారు. దీనికి సంబంధించిన బ్యాగ్రౌండ్ వర్క్ అంతా పూర్తయ్యింది. తాజా సమాచారం మేరకు ఈ సినిమాకు ఓ స్టార్ డైరెక్టర్ కథను అందించారట. ఇంతకీ ఆ స్టార్ డైరెక్టర్ ఎవరో తెలుసా! కార్తీక్ సుబ్బరాజ్. పిజ్జా, పేట వంటి చిత్రాలతో కార్తీక్ సుబ్బరాజ్ తన దైన మార్క్ను క్రియేట్ చేసుకున్న సంగతి తెలిసిందే. ఈ విషయాన్ని రీసెంట్గా ఓ ఇంటర్వ్యూలో కార్తీక్ తెలిపారు. తాను ప్రధాన కథను అందిస్తే దానికి తగ్గ స్క్రిప్ట్, డైలాగ్స్ వంటి అంశాలను శంకర్ సిద్ధం చేసుకున్నారని ఆయన చెప్పుకొచ్చారు. రామ్ చరణ్ జోడీగా కియారా అద్వానీ నటిస్తోన్న ఈ చిత్రంలో సునీల్ ప్రధాన పాత్రను పోషిస్తున్నారు. ఇందులో రామ్ చరణ్ ఐఏఎస్ ఆఫీసర్గానూ, ముఖ్యమంత్రి పాత్రలోనూ కనిపించబోతున్నారని వార్తలు వినిపిస్తున్నాయి. ప్రముఖ నిర్మాత దిల్ రాజు, శిరీష్ కలిసి ఈ సినిమాను భారీ బడ్జెట్తో రూపొందిస్తున్నారు. పాన్ ఇండియా రేంజ్లో ఈ చిత్రం వచ్చే ఏడాది సంక్రాంతికి విడుదల కానుంది. తమన్ సంగీత సారథ్యం వహిస్తున్నారు. సినిమా షూటింగ్ పూర్తి కాక మునుపే డిజిటల్ హక్కులను జీ స్టూడియో సంస్థ రూ.250 కోట్లకు దక్కించుకున్నట్లు కూడా టాక్ వినిపించింది. ఇప్పుడు ఎన్టీఆర్తో కలిసి రాజమౌళి దర్శకత్వంలో నటించిన RRR మార్చి 25న విడుదలకు సన్నద్ధమవుతోంది.
from Telugu Movie News | Movie News in Telugu | Movie Gossips in Telugu https://ift.tt/c85xiuq
v
No comments:
Post a Comment